Juan Carlos Onganía

Wikipedia(e)tik
Hona jo: nabigazioa, Bilatu
Juan Carlos Onganía

Argentinar politikaria eta militarra (Marcos Paz, Buenos Aires, 1914 - Buenos Aires, 2009). Hamazazpi urte zituela sartu zen Eskola Militarrean, eta hogeirekin irten, teniente-graduarekin. 1959an, jeneral-gradura igo zuten. 1962ko irailean, herrialdea gerra zibiletik gertu zegoela, Onganíak aurre egin zion José María Guido Errepublikako lehendakaria kargutik kentzeko ahaleginari. 1962tik 1965era armadako komandanteburu izendatu zuten. 1966ko ekainaren 28an, Arturo Umberto Illia lehendakaria kargutik kendu zuen kolpe militarraren ondoren, berak hartu zuen Errepublikaren lehendakaritza, diktadura militar baten gidari. 1969an, gogor zapaldu zuen sindikatuek eta ikasleek deitutako greba. 1970ean, Alejandro Agustín Lanusse jenerala buru zuen batzorde militar batek kendu zuen kargutik.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Juan Carlos Onganía Aldatu lotura Wikidatan