Peio Ruiz Cabestany

Peio Ruiz Cabestany

Informazio pertsonala
Izena	Peio Ruiz Cabestany
Jaiotza data	1962ko martxoaren 13 (51 urte)
Jaiotza herria	Donostia
Jaiotza herrialdea	Gipuzkoa
Kirol informazioa
Modalitatea	Errepidea/ Pista

Peio Ruiz Cabestany (Donostia, Gipuzkoa, 1962ko martxoaren 13a) euskal txirrindulari ohia da, 1984 eta 1994 artean profesionala eta urte horietan 23 garaipen lortu zituena.

Biografia

Errepideko txirrindularia izan baino lehen, Cabestany Espainiako txapelduna izan zen pistako txirrindularitzan; 1980 eta 1982an jazarpeneko txapelduna izan zen, 1980tik 1983ra arte taldekako jazarpeneko txapelduna, puntuazioko txapelduna 1983an eta taldekako erlojupeko txapelduna 1983an ere.

Txirrindularitzan jardun aurretik, iraupen-eskia egiten zuen gaztetan. Nahiz eta ondoren txirrindularia izan ez zuen kirol hau guztiz alboratu, iraupen-eskiko hainbat probatan eta triatloi zurietan parte hartu zuen eta.

Txirrindularia zenean, hainbat prentsa-artikulu idatzi zituen. 1997an Historias de un ciclista liburua idatzi zuen.

Telebistan ere egin du lan. Eurosport telebista-kateko txirrindularitzako esataria izan da, baina horrez gain abenturazko telesaioetan eta reality-etan parte hartu du hala nola:

• En los Pirineos: Euskal Telebistako dokumentala.
• Mucho viaje: Bidai-telesaioa.
• La Selva de los FamoS.O.S. (2004): realitya.
• Desafío bajo cero (2006): Izotz gaineko patinajeko realitya.

Gaur egun, familia eta berak mahasti batzuk dauzkate Cuenca de Barberá ardo-eskualde kataluniarrean.

Palmaresa

1984 Orbea Valentziako Itzuliko etapa bat eta erregulartasunaren mallota. Zumarragako Criteriuma. Mendiko saria Errioxako Itzulian. 1985 MG-Orbea Euskal Herriko Itzulia 2. sailkatua Espainiako Errepideko Txirrindularitzako Txapelketan. 4. sailkatua Espainiako Itzulian eta etapa garaipen bat. Kolonbiako Itzuliko etapa garaipen bat. Terrasako Criteriuma. 1986 SEAT-Orbea Frantziako Tourreko etapa garaipen bat. Midi Libreko etapa garaipen bat. Kataluniako Itzuliko etapa garaipen bat. Tres Cantoseko Itzulia. 1987 Caja Rural-Orbea Murtziako Itzulia, bi etapa garaipen eta erregulartasunaren mallota. Luis Puig Saria. Gaztela eta Leon Sariko etapa garaipen bat. Laudioko Nazioarteko Sari Nagusia. Fuenlabradako Criteriuma.

1988 Kas-Canal 10 Mediterraneoko Itzuliko etapa garaipen bat. 1989 ONCE Valentziako Itzuliko eta etapa garaipen bat. Mendiko saria Galiziako Itzulian. 1990 ONCE Espainiako Vueltako bi etapa garaipen. Euskal Herriko Itzuliko erregulartasunaren mallota. 1991 CLAS-Cajastur Murtzia Hiriko Criteriuma. 1992 Gatorade-Chateau D'ax 1993 Gatorade-Mega Drive Euskal Bizikletako etapa bat. Hospitaleteko Criteriuma. 1994 Euskadi - Petronor

Taldeak

• Orbea (1984-1987)
• Kas (1988)
• ONCE (1989-1990)
• CLAS-Cajastur (1991)
• Gatorade (1992-1993)
• Euskadi (1994)