Perla ibaiaren delta

Delta osatzen duten hirien mapa.

Perla ibaiaren delta (txinera sinplifikatuz: 珠江三角洲;, pinyineraz: Zhūjiāng Sānjiǎozhōu), Txinako Herri Errepublikako hegoaldean dagoen gunea da. Perla ibaiaren itsasadarrak Txina Hegoaldeko itsasoarekin bat egiten du bertan.

Ekonomia 1970eko hamarkadan liberalizatu zenetik, Txinako gune ekonomikorik garrantsitsuenetakoa da Shanghairekin batera. Txinako gobernuak Shenzhengo arrantza portua hiri ekonomiko berezi izendatu zuenetik guneak izandako hazkundea izugarria izan da.

Inguru naturala eta kokapena [aldatu]

Perla ibaiaren delta, Txina hegoaldeko gune metropolitar erraldoia da, bederatzi prefektura (Guangzhou, Shenzhen, Zhuhai, Dongguan, Zhongshan, Foshan, Huizhou, Jiangmen eta Zhaoqing, eta bi lurralde berezik osatzen dute (Macau eta Hong Kong.

Demografia [aldatu]

**Perla ibaiaren deltako biztanleria**
Hiria	Biztanleak	Biztanleriaren %a
Guangzhou	10.045.800	%21,56
Shenzhen	8.464.300	%18,17
Hong Kong	7.000.000	%15,02
Dongguan	6.864.000	%14,73
Foshan	6.740.000	%14,47
Jiangmen	4.126.400	%8,86
Zhongshan	1.422.600	%3,05
Zhuhai	1.408.000	%3,02
Macau	520.400	%1,12
GUZTIRA	46.591.500

Guangzhou: Guangdong probintziako hiriburua da, eta delta osatzen duten hirien artean jendetsuena.
Shenzhen: Deng Xiaopingek "Gune Ekonomiko Berezia" izendatu zuen lehen hiria izan zen eta 1970eko hamarkadatik Txinan gehien hazi den hiria da.
Hong Kong: 1997. urtera arte, Erresuma Batuaren kolonia, Hong Kong Asiako finantza gunerik garrantzitsueenetakoa da.
Dongguan: Guangzhou hiriaren iparraldean dagoen hiria. Perla ibaiaren mendebaldean dago. Txinako merkatal-gunerik handiena dago bertan.
Foshan: Antzinako ondarea ondo kontserbatzen duen hiria da, duela mende asko, bertan zeuden portzelana industriengatik zen ezaguna.
Jiangmen: Guangdong probintziako bigarren porturik garrantzitsuena dago bertan. Gobernuak, gune industrial erraldoia eraiki nahi du portuaren inguruetan.
Zhongshan: Guangzhou eta Macau arteko hiria da. Txinan lanparak ekoizteagatik ezaguna.
Zhuhai: Macaurekin batera, Txinako Gune Ekonomiko Berezietako bat da. Macauren ondoan dago.
Macau: 1999. urtera arte Portugalen kolonia, Macau Txinako gune turistiko garrantzitsua da, eta jokoa legezkoa den hiri bakarra.