Rimini
|
Rimini |
|
|---|---|
| Emilia-Romagna | |
 |
|
| Izen ofiziala | Rimini |
| Estatua |  Italia |
| Estatua Eskualdea Probintzia |
Italia Emilia-Romagna Rimini |
| ISTAT kodea | 099014 |
| Alkatea | Alberto Ravaioli (Alderdi Demokrata) |
| Koordenatuak | 44°03′00″N 12°34′00″E / 44.05°N 12.566667°EKoordenatuak: 44°03′00″N 12°34′00″E / 44.05°N 12.566667°E |
  Rimini
|
|
| Eremua | 134 km2 |
| Posta kodea | 47900 |
| Biztanleria | 142.579 bizt. |
| Dentsitatea | 1.064,02 bizt./km² |
| Sorrera | K. a. 268 |
| www.comune.rimini.it | |
Rimini Italiako ipar-ekialdeko hiria da, Adriatikoaren ertzean dagoena, Emilia-Romagna eskualdean, Riminiko probintzian. 2010eko erroldaren arabera 142.579 biztanle zituen. Erromatarrek K. a. 268. urtean sortu zuten.
Veneziaren ondoren, Italiako Adriatiko kostaldeko turismogune garrantzitsuena da ziur aski. Artzapezpiku-hiria da. Aipagarriak dira erromatarren garaiko zubia (K. o. 21), garaipen-arkua (K. a. 27 - K. o. 21), anfiteatroaren hondakinak eta Malatesta familiaren eliza (XIV. mendea). Komunikabide-gune garrantzitsua da (burdinbideak, aireportua). Turismoa erakartzen du (hondartzak).
Eduki-taula |
Historia [aldatu]
Marecchia izeneko hiri unbriar-etruskoa zen erromatarrak hara joan baino lehen (K. a. 268). Ariminium izena eman zioten erromatarrek. Kontzilio bat egin zuten arriotar kristau buruzagiek Riminiko hirian 359. urtean, arriotarrek Kristoren jainkotasunaren aurrean azalduriko zalantza guztiak argitzearren. Bizantziarrak nagusitu ziren hurrengo urteetan hirian, godoak ondoren, bizantziarrak berriro, eta lonbardiarrak eta frankoak azkenean. Aita santuaren eskuetara igaro zen 754an, Pepino Laburrak eskaini ondoren. Malatesta familia izan zen nagusi 1295etik 1528ra bitarteko urteetan, eta aita santuen gobernupean egon zen ondoren, 1860an Italiako Errepublikako hiri bihurtu zen arte. Gudaroste aliatuek bonbardatu zuten Bigarren Mundu Gerran.
Iruditegia [aldatu]
-
Tre Martiri plaza.
-
Cavour plaza.
-
Hondartza.
Hiritar ezagunak [aldatu]
- Federico Fellini (1920-1993), zinema zuzendaria.
- Hugo Pratt (1927-1995), komikilaria eta Corto Maltese pertsonaiaren sortzailea.
Kanpo loturak [aldatu]
- Riminiko Udal webgunea (Italieraz)
- Riminiko Turismo Bulegoa (Ingelesez) (Italieraz)
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
