The North Star (1943ko filma)

The North Star (1943ko filma)
Jatorria
Argitaratze-data	1943
Izenburua	The North Star
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	gerra-filma, propaganda film (en) , film dramatikoa, film erromantikoa eta musika-filma
Iraupena	108 minutu
Kolorea	zuri-beltzekoa
Zuzendaritza eta gidoia
Zuzendaria(k)	Lewis Milestone
Gidoigilea(k)	Lillian Hellman
Antzezlea(k)
	Anne Baxter ; Dana Andrews ; Walter Huston ; Walter Brennan ; Erich von Stroheim ; Ann Harding ; Carl Benton Reid ; Dean Jagger ; Esther Dale (en) ; Farley Granger ; Francis Pierlot ; Frank Wilcox ; Grace Cunard ; Jane Withers ; Martin Kosleck ; Robert Lowery ; Ruth Nelson ; Sarah Padden ; Tonio Selwart
Ekoizpena
Ekoizlea	Samuel Goldwyn; William Cameron Menzies
Konpainia ekoizlea	Samuel Goldwyn Productions (en) ; RKO Pictures
Edizioa	Daniel Mandell
Ekoizpen-diseinatzailea	Perry Ferguson (en)
Bestelako lanak
Musikagilea	Aaron Copland
Argazki-zuzendaria	James Wong Howe
Fikzioa
Kontakizunaren tokia	Ukrainako Sobietar Errepublika Sozialista
Argumentu nagusia	Bigarren Mundu Gerra, Bizargorri Operazioa, Soviet partisans (en) eta village community (en)
Historia
Nominazioak	Academy Award for Best Cinematography, Black-and-White (en) ; 16th Academy Awards (en) ; James Wong Howe; Academy Award for Best Original Dramatic or Comedy Score (en) ; 16th Academy Awards (en) ; Aaron Copland; Soinu onenaren Oscar Saria ; 16th Academy Awards (en) ; Thomas T. Moulton (en) ; Academy Award for Best Art Direction, Black and White (en) ; 16th Academy Awards (en) ; Perry Ferguson (en) , Howard Bristol (en) ; Jatorrizko gidoi onenaren Oscar Saria ; 16th Academy Awards (en) ; Lillian Hellman; Academy Award for Best Special Effects (en) ; 16th Academy Awards (en) ; Clarence Slifer (en) , Ray Binger (en) , Thomas T. Moulton (en)

The North Star (Ameriketako Estatu Batuetan Armored Attack izenburua ere izan zuen) 1943ko filma da, RKO etxeak ekoiztu eta banatua. Lewis Milestonek zuzendua, Lillian Hellman idazlearen istorio bat du abiapuntu; idazleak berak sortu zuen gidoia. Anne Baxter, Dana Andrews, Walter Huston, Walter Brennan eta Erich von Stroheim izan ziren antzezle nagusiak. Musika Aaron Coplandek sortu zuen, eta abestiak Ira Gershwinenak ziren; argazkia James Wong Howerena. Film hau Farley Granger aktorearen lehena izan zen.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Ukrainako alegiazko herri batean gara, Iparrizar deritzona. 1941eko urtean alemaniarrak Sobiet Batasuneko errepublika hura bereganatzen hasiak ziren. Filmak herriko biztanleek erakutsitako portaera agertzen du: haien eguneroko bizimodua, ume, gazte, heldu zein zaharrena, erabat itxuraldatuko da. Biztanleek eurek su emango diote herriari alemaniarrak gertu sentitzean; hala ere, naziek bere egingo dute lekua eta ospitalea antolatuko dute bertan. Alemaniar soldadu zaurituak sendatzeko herriko umeen odola darabilte lasai askoan. Filmak hiru testu-inguru jorratzen ditu: setiatuei laguntzeko armak lortzen saiatzen direnena aurrena (Baxter, Brennan, Granger, Andrews eta Withers); herrian geratutakoena hurrena (Huston, Harding eta Von Stroheim), eta gerrilla sortu dutenena azkena.

Hainbat kontu[aldatu | aldatu iturburu kodea]

Filma aurkeztu zenean harrera ona izan zuen, kontuan hartuta Sobiet Batasunaren defentsa sutsua egiten zuela, eta Oscar sarietarako sei izendapen lortu zituen. Une horretan komunismoaren mamua ernaldu barik bide zetzan amerikarren kontzientzian. Urte nahikotxo pasatu ziren propaganda filmtzat hartua izan arte. Esaterako, alemaniarrek bonbardatutako herrian eragindako txikizioa girotzeko filmaren soinu bandak Internazionala darabil.

Aktoreak[aldatu | aldatu iturburu kodea]

Aktorea	Pertsonaia
Anne Baxter	Marina Pavlova
Dana Andrews	Kolya Simonov
Walter Huston	Pavel Grigorich Kurin medikua
Walter Brennan	Karp
Ann Harding	Sophia Pavlova
Farley Granger	Damian Simonov
Erich von Stroheim	Von Harden medikua
Jane Withers	Clavdia Kurina

Kanpo estekak[aldatu | aldatu iturburu kodea]

imdb.com The North Star

Datuak: Q2992240
Multimedia: The North Star (1943 film) / Q2992240