Trianoko mendiak
Trianoko mendiak edo Grumerango mendigunea Europako burdin meatzerik garrantzitsuenetakoak izan ziren XIX. mendean. Gaur egun, mendi horietan meatzeen ondorioz, oso paisaia berezia sortu da.
Erromatarren garaietatik izan dira ustiatuak, bertako burdinaren kalitatea eta ugaritasunaren ondorioz, aurkikuntza arkeologikoek (K.O. III eta IV. mendeetako zeramika) eta Plinio Zaharra bezalako historialarien idazkiek frogatzen dutenez. Azken honek K.o. I. mendean, Iberiar Penintsulako iparraldean "burdinazko mendi handi" bat zegoela esaten zuen.[1]
Meatzaldeko eskualdean daude kokatuta, Bizkaiko mendebaldean. Zehazki, mendi hauek Trapagaran (Larreineta eta Zugaztieta) Abanto-Zierbenako (Triano) eta Galdamesko udalerriak barne hartzen dituzte.
Mugakideak
Trianoko mendien mugak hauexek dira:
- Iparraldean Trapagarango ibarra.
- Ekialdean Mezpelerreka auzoa eta bere inguruan sortzen den ibarra. Sasiburuko mendilerroa dago hor eta horietan Eretza mendia, Trianoko mendien artean garaiena.
- Hegoaldean Gueñes eta Galdames lotzen dituen errepidea.
- Mendebaldean Barbadun ibarra (Sopuertatik Muskizera doana).
Tontorrak
Mendirik garaienak Eretza (887 m) eta Ganeran (822 m) dira.
Beste tontor batzuk Pico de la Cruz (803 m), Gasterantz (801 m), Pico Mayor (746 m), Pico Menor (746 m), Aldape (716 m), Galdamesko gaina (713 m), Mendibil (565 m), Luxar (542 m) eta Argalario (521 m) ditugu.
Peñas Negras
Zugaztieta auzoaren inguruan Peñas Negras Ingurumen Interpretazioko Zentroa dago.
Erreferentziak
Ikus, gainera
Kanpo loturak
 |
Wikimedia Commonsen badira fitxategi gehiago, gai hau dutenak: Trianoko mendiak  |
- (Gaztelaniaz) Peñas Negras interpretazio gunea