Wilhelm Wundt
Wilhelm Maximilian Wundt (Neckarau, Alemania, 1832 - Grossbothen, Alemania, 1920) alemaniar psikologo eta filosofoa izan zen.
Biografia[aldatu]
Heidelberg, Zurich eta Leipzigeko Unibertsitateetako irakasle izan zen. Psikologia esperimentaleko lehen laborategia sortu zuen Leipzigen (1879). Psikologiaren oinarria esperientzia zela zioen eta borondatea, hari loturiko sentipenekin batera, esperientzia psikologikoaren parte dela, ezagutza bera baino garrantzizkoagoa. Psikologia esperimentalaren sortzailetzat hartua da.
Nerbio-sistemaren mekanikari buruzko, zentzumenen sentipenei buruzko eta pertzepzioari buruzko lanak egin zituen, eta asoziazio pasiboen eta pertzepzio aktiboaren, adimen-sintesien eta pentsamendu logikoaren oinarri den pertzepzioaren, arteko bereizketa egin zuen.
Lan nagusiak: Beiträge zur Theorie der Sinneswahrnehmung (1858-1862); Vorlesungen über die Menschen und Thierseele (1863); Grundzüge der Physiologischen Psychologie (1873-1874).
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
