YouTube

Wikipedia(e)tik
Hona jo: nabigazioa, Bilatu

Youtube interneten bidez bideo digitalak partekatzeko aukera ematen duen web orrialdea da.

YouTube
Informazioa
Logo Youtube.svg
Mota Pribatua
Eslogana Broadcast Yourself ("Zeure burua aurkeztu")
Fundazioa 2005. urteko otsailean
Sedea San Bruno, Kalifornia, Estatu Batuak
Administrazioa Chad Hurley, CEO (Zuzendaria nagusia), Steve Chen, CTO ( Teknologia arduraduna), Jawed Karim, kontseilaria.
Industria Internet Zerbitzuak
Langile kopurua 67 (2006)
Wen orrialde nagusia www.youtube.com

Pay Pal enpresan aritutako hiru langilek (Chad Hurley, Steve Chen eta Jawed Karim) sortu zuten 2005. urteko otsailean baina 2006ko urriaren 10etik, Google enpresa haren jabe da, 1.650 milioi dolarretan erosi zuenetik.

YouTubek Adobe Flash formatua erabiltzen du bere edukia eskaintzeko. Bideoak bertan jartzea oso erraza denez, Video Googleren antzera fama handia du. YouTuberen barruan mota askotako bideoak aurki daitezke. Nahiz eta copyright duten bideoak jartzeko arauak egon, telebistako saioak, filmak, musika bideoak eta bestelako materiala daude. YouTubeko bideoetara dauden loturak blog eta web orri pertsonaletan jar daitezke, APIak erabiliz.

YouTuberen berezitasunak[aldatu | aldatu iturburu kodea]

Bideoen bilaketaren inguruan[aldatu | aldatu iturburu kodea]

Tagei esker, bideoak errazago bila egin daitezke. Hala ere, YouTubeko bideotan bakarrik oinarritzen da.

Google konpainiak erosi zuenez, Google Videoko bilaketetan YouTubeko bideoak ere aurki daitezke.

2007ko ekainean hizkuntza askotara itzuli denez, nazioartekotasunerako pauso esanguratsua eman du.

Copyright[aldatu | aldatu iturburu kodea]

YouTubeko bideotako askok copyright dutenez, orrialdetik kenduko dira, haien jabeek eskatzen baldin badute. Halakorik gertatuz gero, bideoa jarri zuenaren kontua itxi egingo dute.

YouTubek eskaintzen dituen aukerak[aldatu | aldatu iturburu kodea]

Bideoak ikusi[aldatu | aldatu iturburu kodea]

YouTubek ematen dituen aukeretako bat bideoak ikustea da. “Search” atalean bilatu nahi dena adieraziko da eta ondoren, botoia sakatu. Ondoren, eskaerarekin bat datozen bideo sorta bat agertuko da. Bilatu nahi dena aukeratutakoan, haren estekan klik egin behar da, ikusteko. Ezer agertzen ez bada, beste bilaketa bat egin beharko da.

Bideoak sarean jarri[aldatu | aldatu iturburu kodea]

YouTubek, bideoak ikusteaz aparte, norberarenak ere sarean jartzeko aukera eskaintzen du. Horretarako, lehenik web-orrialdean erregistratu egin behar da, “Sign Up” atalean: han eskatzen diren datuak betetakoan, “Log In” atalean sartu eta erabiltzaile izena eta pasahitza idatzi behar dira.

Orrialdearen goiko aldean "Hello" + erabiltzailearen_izena agertzeak erabiltzailea ondo konektatuta dagoela adierazten du. Beraz, bideoak igotzen has gaitezke. Jarraian, “Upload Videos” atalean sartu behar da eta datuok gehitu:

  • Title: Bideoaren izenburua adieraziko da.
  • Description: Bideoari buruzko deskribapena bat idatziko da.
  • Tags: Bideoari jarriko zaion etiketa adieraziko da (bat baino gehiago jar daitezke).
  • Video Category: Bideoaren kategoria zein den adieraziko da.

Azkenik, aurreko pauso guztiak egindakoan, “Continue” (Segi) botoia sakatu behar da. Ondoren, bideoa non dagoen gordeta adieraziko da:

  • ”Browse” botoia sakatu eta igo nahi den bideoa bilatuko da.
  • Bideoa aurkitutakoan, “Upload Video” botoia sakatu eta YouTubera igota dago.

Bideoak jaitsi[aldatu | aldatu iturburu kodea]

Bideoak deskargatzea beste aukeretako bat da. Bertan, URL helbidea da garrantzitsuena. Bilatutako bideoa deskargatu nahi bada, bideoaren ondoan dagoen datu sortan agertzen den URL helbidea jasoko dugu.

URL hori jaso ondoren, bideoak jaisteko aukera ematen duten web-orrietako batera joateko aukera dago, sarean asko baitaude. Zein erabiltzen den, web-orrialde bakoitzak eskatzen dituen pausoak bete behar dira.

Beste aukera batzuk[aldatu | aldatu iturburu kodea]

YouTubek eskaintzen dituen aukera erabilienak aurrekoak izan arren, beste batzuk ere badaude:

  • Favourite Videos atalean, berriro bilatzen ez aritzeko, gustuko bideoen zerrenda osa daiteke.
  • Playlists atalean, gai jakin bati buruzko bideoak sartu eta gero denak jarraian ikusteko aukera dago.
  • Video Comments atalean, bideoei buruzko iruzkinak egin daitezke.
  • Bideoren bat YouTuberen beste erabiltzaileren bai gomendatu nahi bazaio, Friend Invites aukera dakar.
  • Beste norbaiten gomendioa baldin bada, Received Videos atalean ikusiko dira.
  • Lagunak gonbidatu nahi badira, Invite More Friends atalera joko da.

Horrelako beste zenbait aukera aurki daitezke. Labur ikusteko, My Account atalera joan eta bertan ikusi ahal izango dira.

Bestelako informazioa[aldatu | aldatu iturburu kodea]

Hainbat hizkuntzaz erabiltzeko aukera[aldatu | aldatu iturburu kodea]

YouTubek 54 hizkuntzatan erabiltzeko aukera ematen du, halaber euskaraz. Hala ere, eduki originalak ingelesezkoa izaten segituko du.

Bitxikeriak[aldatu | aldatu iturburu kodea]

YouTuberen antzeko alternatibak[aldatu | aldatu iturburu kodea]

YouTubez gain, beste gune batzuek aukera berak eskaintzen dituzte:

  • Video Google.
  • Yahoo! Video.
  • MyVideo.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: YouTube Aldatu lotura Wikidatan