Pasahitz

Wikipedia(e)tik
Hona jo: nabigazioa, Bilatu

Pasahitza (ingelesez, password) baliabide baterako sarbidea kontrolatzeko balio duen karaktere-kate sekretua da. Orokorrean software baliabide baterako sarrera babesteko ezartzen da pasahitza. Pasahitza sistema horretan sartu behar denak bakarrik jakin behar du eta beste pertsona guztientzat sekretua izan behar du. Gehienetan erabiltzaile izen batekin lotuta egoten da pasahitza eta biak idatzi behar izaten dira.

Gogoratzeko errazak, asmatzeko zailak[aldatu | aldatu iturburu kodea]

Pasahitz ideal bat gogoratzeko erraza izan behar da baina asmatzeko ezinezkoa.

Sendotasuna[aldatu | aldatu iturburu kodea]

Pasahitz sendo batek karaktere maiuskulak, karaktere minuskulak, zenbakiak eta karaktere bereziak (#@!...) ditu eta karaktere-katearen luzera handia izaten da, 8-10 karaktere baino gehiago. Horrela indar gorriz asmatzea ezinezkoa bihurtuz. Gainera, pasahitzak sendoak izaten jarraitzeko sarri eguneratu behar dira.

Bestalde, dauden pasahitzik ahulenak: “1234”, “admin”, erabiltzaile izenaren berdina, jaiotze urtea, telefonoa eta antzekoak dira.

Pasahitza duten zerbitzuak[aldatu | aldatu iturburu kodea]

Zerbitzu asko daude erabiltzailea kautotzeko pasahitzak eskatzen dutenak. Horren adibide dira posta elektroniko kontuak, sistema eragiletako sarrerak, eta abar.

Kautotzeko prozesua[aldatu | aldatu iturburu kodea]

Pasahitza, software baliabide batera sartzeko erabiltzen denean, sistemako fitxategi batean gorde behar da. Modurik sinple eta ahulena testu fitxategi batean gordetzea da. Orokorrean, ordea ez da horrela egiten eta pasahitzari zifratze funtzio bat aplikatzen zaio fitxategian gordetzeko garaian. Erabiltzaile bat sisteman sartu behar denean pasahitzari zifratze funtzio bera aplikatzen zaio eta fitxategian dagoenarekin konparatzen da. Erabiltzailea eta pasahitza fitxategian dagoenarekin bat etortzen bada sisteman sartzeko baimena ematen da.