2016ko Munduko Xake Txapelketa

2016ko Munduko Xake Txapelketa orduko txapelduna zen Magnus Carlsenen eta Sergei Kariakinen artean jokatutako txapelketa izan zen, FIDEk antolatua. Txapelketa azaroaren 11tik 30era jokatu zen New York hirian. 12 partidako lehia izan zen eta berdinketa gertatu zenez, xake azkarreko (25 min + 10 s/mugimendu) 4 partida jokatu ziren berdinketa hausteko^[1]. Magnus Carlsen izan zen garaile, eta Munduko Xake Txapeldun titulua mantendu zuen.

Carlsen faborito garbia bazen ere, Kariakinek defentsa joko bikaina erakutsi zuen eta lehenbiziko 7 partidak berdindu zituzten. Horren ostean, Kariakinek 8. partida irabazi zuen (pieza beltzekin) eta markagailuan aurre hartu zuen, eta aurreko partidetan erakutsitako defentsa zela-eta, bazirudien txapeldun titulua eskura zuela. Hala ere, Carlsenek 10. partida irabazi eta norgehiagoka berdintzea lortu zuen. Ondorengo bi partidetan Carlsenek berdinketaren bila jokatu zuen, eta berdinketa hausteko xake aktiboko partidetan nagusitasunez gailendu zen.

Munduko Xake Txapelketa 2016
	Rating	Partida klasikoak												Partida azkarrak				Puntuak
	Rating	1	2	3	4	5	6	7	8	9	10	11	12	13	14	15	16	Puntuak
Sergey Karjakin	2772	½	½	½	½	½	½	½	1	½	0	½	½	½	½	0	0	7
Magnus Carlsen	2853	½	½	½	½	½	½	½	0	½	1	½	½	½	½	1	1	9

Hautagaien Txapelketa[aldatu | aldatu iturburu kodea]

2016ko Hautagaien Txapelketan erabaki zen 2016ko Munduko Xake Txapelketa jokatuko zuen hautagaia. Txapelketa, 2016ko martxoaren 11tik 30era jokatu zen Moskun, bi itzuliko round-robin ligaxka moduan. Parte-hartzaileak, FIDEk iragarritako ordenean, hauek izan ziren ^[2]:

Sailkatzeko modua	Jokalaria	Adina	Elo^[3]	Rank
2014ko Munduko Txapelketako galtzailea	Viswanathan Anand	46	2762	12
2015eko Munduko Kopako irabazlea	Sergei Kariakin	26	2760	13
2015eko Munduko Kopako bigarren sailkatua	Peter Svidler	39	2757	16
2014-2015eko FIDEren Sari Nagusiko bi lehen sailkatuak	Fabiano Caruana^{[oh 1]}	23	2794	3
2014-2015eko FIDEren Sari Nagusiko bi lehen sailkatuak	Hikaru Nakamura	28	2790	6
2015eko Munduko Kopako edo 2014-2015ko FIDEren Sari Nagusiko parte-hartzaileen arteko hurrengo bi jokalariak Eloaren arabera (2014 eta 2015 artean zuten Eloaren batazbestekoa kalkulatuz)	Veselin Topalov	41	2780	8
	Anish Giri	21	2793	4
Antolatzaileak gonbidatutako jokalaria (2015eko uztailean gutxienez 2755 Elo puntu zituena)	Levon Aronian	33	2786	7


Post.	Jokalaria	1		2		3		4		5		6		7		8		Puntuak	Berdinketa haustekoak
Post.	Jokalaria	1		2		3		4		5		6		7		8		Puntuak	Elkarren aurka	Garaipenak	S-B
1	Sergei Kariakin ( Errusia)			1	½	1	0	½	½	½	½	½	½	1	½	1	½	8,5
2	Fabiano Caruana ( AEB)^{[oh 1]}	½	0			1	½	½	½	½	½	½	½	1	½	½	½	7,5	1,5
3	Viswanathan Anand ( India)	1	0	½	0			1	½	1	½	½	½	½	0	1	½	7,5	0,5
4	Peter Svidler ( Errusia)	½	½	½	½	½	0			½	1	½	½	½	½	½	½	7	3,5
5	Levon Aronian ( Armenia)	½	½	½	½	½	0	0	½			½	½	1	½	½	1	7	3	2
6	Anish Giri ( Herbehereak)	½	½	½	½	½	½	½	½	½	½			½	½	½	½	7	3	0
7	Hikaru Nakamura ( AEB)	½	0	½	0	1	½	½	½	½	0	½	½			1	1	7	2,5
8	Veselin Topalov ( Bulgaria)	½	0	½	½	½	0	½	½	0	½	½	½	0	0			4,5

Oharrak[aldatu | aldatu iturburu kodea]

↑ ^a ^b Fabiano Karuanak herritartasun bikoitza du; 2014-2015eko FIDEren Sari Nagusia Italiako banderapean jokatu zuen, baina 2015ean Italiako federazioa utzita AEBen banderapean jokatu zuen Hautagaien Txapelketa.