Uribarri Gaubea

Uribarri Gaubea
	Euskal Herria
Kokapena
Herrialdea	Araba
Udalerria	Gaubea
Geografia
Koordenatuak	42°50′53″N 3°05′53″W / 42.84806°N 3.09806°W

Uribarri Gaubea (ofizialki Villanueva de Valdegovía) Arabako Gaubea udalerria osatzen duten herri nagusi eta herriburua da. 2007ko urtarrilaren 1eko erroldaren arabera, herriak 181 biztanle ditu.

Geografia

Gaubea udalerriaren erdigune geografikoan kokaturik dago, udalerriaren eremuak itxura berezia duen arren. Omecillo ibaiaren haranak hegoaldean Obarenes-San Zadornil mendiak eta iparraldean Gorobel mendilerroa ditu, eta ibaiaren ertzean dago Uribarri Gaubea. Mendebaldean Gurendes herria du eta ekialdean Villanañe. Itsasmailatik 552 metrotako altueran kokatzen da Uribarri Gaubea.

Historia

Burdin Aroan Pico de San Pedro esaten dioten tokian herrixka bat sortu zen eta erromatarren eta musulmandarren garaian ere jarraitu zuen, baina Erdi Aroan bertan behera gelditu zen.

XV. mendean Arabaren barnean agertzen da Uribarri Gaubea eta bertako herritarrek XIX. mendean Gasteizko guduan parte hartu zutela ere badakigu.

Demografia eta biztanleria

Uribarrio Gaubeako biztanleria
2000	2001	2002	2003	2004	2005	2006	2007
150	148	168	176	165	172	175	181

Garraioa

Araba Bus sareko lineak zerbitzua ematen dio herri honi:

Araba Bus

Zerbitzua	Hasiera	Ibilbidea	Amaiera ⁠
13	Gasteiz (geltokia)	Gasteiz (Bastiturri) • Gasteiz (epaitegiak) • Gasteiz (Gaztelako Atea) • Subillabide • Tresponde • Billoda • Billoda (Plaza) • Langraiz Oka (udaletxea) • Langraiz Oka (bar-posta) • Langraiz Oka (Bikuña) • Olabarri • Mandaita • Pobes • Padul • Gesaltza Añana (museoa) • Gesaltza Añana • Tuesta • Espejo • Villanañe • Uribarri Gaubea • Gurendes • San Millan de San Zadornil • Korro • Tobillas	Bobeda

Ondasun nabarmenak

Angulotarren jauregia: XVI, mendeko ataria du eta pizkundeko estiloan eraiki zen. Armarri handia du.
Villanuevako presa edo La Mierreko antzinako presa, Euskal Herrian dagoen bakarra zurez eta harriz eraikia. 1781. urtean eraiki zen eta 2011n Kultur Ondasun izendatua izan zen^[1].
Andre Mariaren eliza: Erromanikoa bazen ere erabat berreraikia dago.
San Julian eta Santa Basilisa eliza.
XVIII. mendeko errota.
Iturria, 1860. urtean eraikia.