Aleksandr Petrovitx Dovjenko

Wikipedia(e)tik
Hona jo: nabigazioa, Bilatu
Aleksandr Petrovitx Dovjenko

Aleksandr Petrovitx Dovjenko (Sosnitsa, Ukraina, 1894ko irailaren 10agreg./abuztuaren 29ajul. - Kiev, 1956ko azaroaren 25a) ukrainar zinemagilea izan zen.

Eskola-maisua izan zen Kontsulatuko idazkaria eta margolaria izan aurretik. Eisenstein eta Pudovkin zinemagileekin batera, zine sobietarraren sortzaile handienetakoa izan zen. Obra nagusiak: Zvenigora (1927), Arsenal (1929), Zemlia (1930, Lurra, egilearen maisu-obra), Ivan (1932), Aerograd (1934), Chors (1939), Bitva sa Ukrainu (1943, Ukrainako gudua) eta Michurin (1948). Hil aurretik bi film garrantzitsu utzi zituen prestaturik, bere emazte eta laguntzaile zen Julia Sóntsevak amaitu zituenak: Poema o morie (1958, Itsasoko poema) eta Povestj plamennyj liet (1960, Suzko urteak).

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Aleksandr Petrovitx Dovjenko Aldatu lotura Wikidatan