Alfonso Armada

Alfonso Armada
Irudi gehiago
Second Head of the House and Secretary General of His Majesty the King of Spain (en) 1976ko abenduaren 17a - 1977ko urriaren 31 ← baliorik ez - Sabino Fernández Campo →
Bizitza
Jaiotza	Madril, 1920ko otsailaren 12a
Herrialdea	Espainia
Heriotza	Madril, 2013ko abenduaren 1a (93 urte)
Familia
Aita	Luis Gonzaga Armada
Ama	María del Rosario Comyn
Ezkontidea(k)	María Francisca Díez de Rivera  (1944ko uztailaren 5a -
Hezkuntza
Hizkuntzak	gaztelania
Jarduerak
Jarduerak	militarra
Jasotako sariak	ikusi Grand Cross of the Cross of Military Merit with White Decoration  (1976ko urtarrilaren 5a) San Hermenegildoren Ordenaren Gurutze Handia  (1976ko urtarrilaren 23a)
Kidetza	Hermandad de Alféreces Provisionales (en)
Zerbitzu militarra
Adar militarra	Espainiako Lurreko Armada
Gradua	general de división (en) brigadier general (en)
Parte hartutako gatazkak	Espainiako Gerra Zibila Bigarren Mundu Gerra 1981eko otsailaren 23ko Espainiako estatu-kolpea

Alfonso Armada Comyn (Madril, 1920ko otsailaren 12a - ib., 2013ko abenduaren 1a) Espainiako militarra izan zen, 1981eko otsailaren 23ko estatu kolpean parte hartzeagatik kondenatua.

Espainiako II. Errepublikaren kontrako altxamenduan, 1936an, matxinatuen armadan sartu zen, 16 urte zituela. Madrilen, Andaluzian, Guadalajaran, Teruelen eta Valentzian aritu zen ondorengo Gerra Zibilean. Bigarren Mundu Gerran, Francok komunisten kontra borrokatzeko bidalitako Division Azul deritzonean parte hartu zuen, Leningradoko frontean.

Frankismoaren garaian, Juan Carlos printzearen irakasle militarra izan zen, eta, ondoren, haren aholkulari nabarmenetakoena. Hartara, 17 urtez izan zen Erregearen Etxeko idazkari nagusia, hau da, erregearen laguntzaile nagusia. Nolanahi ere, Adolfo Suárez Espainiako Presidentearekin izandako zenbait talkaren ondorioz, kargu hori utzi zuen.

1981eko otsailaren 23an, Tejero koronelak Madrilgo Kongresua hartu ondoren, Alfonso Armadak bere burua eskaini zuen harekin hitz egiteko eta gatazka horri konponbide negoziatu bat emateko. Elkarrizketa horren ondorioz, Tejero Kongresua uztekoa zen eta Alfonso Armada Espainiako gobernuko burutza jasotzekoa, unitate nazionaleko gobernu bat osatzeko. Tejerok, hala ere, muzin egin zion proposamen horri, PSOEko zenbait gobernuan sartzekoak zirelako. Hala, kolpeak ez zuen arrakastarik izan eta Tejero eta Armada, besteak beste, atzeman zituzten hartan parte hartzea leporatuta.

1983ko apirilaren 22an, Espainiako Auzitegi Gorenak 30 urteko kartzela zigorra ezarri zion Alfonso Armadari estatu kolpe horretan parte hartzeagatik. Nolanahi ere, 1988ko abenduaren 24an, Espainiako Gobernuak indultua eman zion osasun arrazoiak tarteko. 2013ko abenduaren 1ean hil zen, 93 urte zituela.

Kanpo estekak

• Datuak: Q2834848
• Multimedia: Alfonso Armada Comyn / Q2834848