Arzubiaga

Arzubiaga
	Euskal Herria
Kokapena
Herrialdea	Araba
Udalerria	Arratzua-Ubarrundia
Geografia
Koordenatuak	42°53′N 2°37′W / 42.88°N 2.62°W
Demografia
Biztanleria	15 (2025)

Arzubiaga Zuia-Gorbeialdea eskualdean dagoen Arratzua-Ubarrundia udalerriko herrietako bat da, Arratzu udalerri zaharrekoa.

Geografia

Gasteizetik 7 kilometrotara dagoen herri honek 2001ean 22 biztanle besterik ez zituen. Arabako Lautadan dago eta herriko jarduera nagusia laborantza da. 549 metroko altuera duen muino batean dago, Zadorra ibaiaren ibaiadarra den Zubiate errekaren ondoan dagoena. A-1 autobiak herria zeharkatu arren ez du irteeratik.

Historia

Arzubiaga leku-izena nahiko aldakaitz agertzen da dokumentazio historikoan. Lehen aldiz 1025. urteko datazioa duen Donemiliagako goldean agertzen da. Gero mendeetan zehar, Arzubiaga/Arçubiaga/Arçuuiaga ikusten da dokumentuetan, behin eta berriro.^[1]

XIX. mendean bertan Arratzuako ermandadearen biltzarrak egiten zituzten, beraz, ermandadearen de factozko hiriburua izan zen.

Etimologia

Patxi Salaberrik, 2015, leku-izenen hitz elkarteetan ohikoa diren hiru elementu hauek antzematen ditu: (H)ar- (< harri) + zubi + --aga atzizkia, (toponimian eta antroponimian maiz agertzen zen atzizkia). Donemiliagako goldean hasierako hasperena (h-) markatuta ez agertzea deigarri iruditzen zaio.^[2]

Demografia

Arzubiagako biztanleria

Garraioa

Eskualdeko Garraioa sareak linea bat ditu herrian:

Eskualdeko Garraioa

Zerbitzua	Hasiera	Ibilbidea	Amaiera ⁠
6b	Gasteiz Legutio Dura	Zurbao • Arzubiaga • Langara Ganboa • Zirao • Betolatza • Luku • Urbina • Urrunaga • Nafarrate	Gasteiz Legutio Dura

Ondasun nabarmenak

Ondare nagusia Jasokundearen eliza erromanikoa da, egun sasi-galdurik dagoena. Ama Birjinaren omenez, urtero abuztuaren 15ean herriko jaiak ospatzen dituzte.

Bibliografia

Alava, pueblo a pueblo. Jose Luis Sáenz de Ugarte (1983). Caja Provincial de Álava - Arabako Kutxa

Erreferentziak

↑ «Arzubiaga - Lekuak - EODA» www.euskaltzaindia.eus (kontsulta data: 2025-10-11).
↑ (Gaztelaniaz) Salaberri Zaratiegi, Patxi. (2015). «Araba/Álava: Los nombres de nuestros pueblos» www.euskaltzaindia.eus (kontsulta data: 2025-07-27).