B. B. King

Wikipedia(e)tik
Hona jo: nabigazioa, Bilatu
B. B. King
B. B. King.jpg
Bizitza
Jaiotza Leflore konderria (Mississippi)1925eko irailaren 16
Herrialdea  Ameriketako Estatu Batuak
Talde etnikoa afro-amerikarra
Heriotza Las Vegas2015eko maiatzaren 14 (89 urte)
Heriotza modua berezko heriotza (diabetesa
istripu zerebrobaskularra)
Hezkuntza
Hizkuntzak ingelesa
Lanbidea
Lanbidea gitarra-jotzailea, abeslaria, egile abeslaria, kale-artista, musikagilea eta piano-jotzailea
Jasotako sariak
Kidetza Arteen eta Zientzien Ameriketako Estatu Batuetako Akademia
Genero artistikoa Bluesa
Musika instrumentua gitarra
biolina
Diskoetxea Geffen Records
Federal Records
IMDb nm0454475
www.bbking.com
King Oakland-go Fox Theater antzokian emandako ekitaldi batean, 2009an.

B. B. edo B.B. King, jaiotzez Riley Benjamin King (Itta Bena, Mississippi, AEB, 1925eko irailaren 16a - Las Vegas, Nevada, AEB, 2015eko maiatzaren 14a) estatubatuar blues kantaria eta gitarra-jotzailea izan zen.

Biografia[aldatu | aldatu iturburu kodea]

Familia pobre batean jaio zen, eta ama bederatzi urte zituela hil zitzaion. Txikitatik elizan abesten zuen eta hamabost urte zituela gitarra ikasten hasi zen. Garai horretan gospel-talde bat sortu zuen. Soldaduskan egon ondoren (1947), bluesera jo zuen eta kontratu txikiak lortu zituen Memphis inguruan, Bukka White bere lehengusuarekin batera. Memphiseko irrati komertzial batean disc-jockey gisa aritu zen lanean. Blue Boy from Beale Street (B.B. laburdura izen horri dagokio) ezizena hartu zuen, Bobby Blue Band eta Johnny Acerekin jo zuenean.

1949an grabatu zuen lehenengo diskoa: Miss Martha King. Ondoren, 1950ean, Three O'Clock Blues grabatu zuen, izugarrizko arrakasta izan zuena rhythm and bluesaren munduan. 1951-1968 urte-bitartean hogeita hamar bat disko grabatu zituen, eta horietan arrakasta handiko lanak izan zituen: You Know I Love You eta Woke Up this Morning, besteak beste. 1960ko hamarraldiaz geroztik, ingelesezko pop musikaren erreferentzia izan zen: Live at the Regal (1965), Blues Is King (1967), Lucille (1968), Live in London (1971), LA Midnight (1972).

King izan zen Sobietar Batasunean zehar bira egin zuen lehenengo blues musikagilea eta kantaria, 1970eko hamarraldiaren amaieran. Lehenengo aldian B.B. Kingentzat T-Bone Walker eta Elmore James izan ziren inspirazio-iturri. Baina berehala, eragin horiek gainditu eta bere estilo propioa sortu zuen. Haren abestien hitzak oso sinpleak dira, baina hark duen kantatzeko moduarekin indar handia hartzen dute, batez ere, gitarraren laguntzarekin. B.B. King da bizirik dagoen blues musikagile nagusia. Haren estiloak izugarrizko eragina izan du rock musikaren ingeles eskolan: Jimmy Page, Larry Coryell, Eric Clapton eta abarrengan.

Hirurogeita bi urteko denboraldian, 15.000 ekitaldi baino gehiago eman ditu.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: B. B. King

Erreferentziak[aldatu | aldatu iturburu kodea]