Beppe Grillo

Wikipedia, Entziklopedia askea
Hona jauzi: nabigazioa, Bilatu
Beppe Grillo
Beppe Grillo - Trento 2012 04.JPG
Bizitza
Izen osoa Giuseppe Piero Grillo
Jaiotza San Fruttuoso1948ko uztailaren 21a (69 urte)
Herrialdea  Italia
Familia
Ezkontidea(k) Parvin Tadjik  (1996 -
Hezkuntza
Hizkuntzak italiera
Jarduerak
Jarduerak aktorea, komediantea, politikaria eta idazlea
Sinesmenak eta ideologia
Alderdi politikoa 5 Izar Mugimendua
IMDb nm0342020
http://www.beppegrillo.it/

Giuseppe Grillo, Beppe Grillo bezala ezaguna (Genova, 1948ko uztailaren 21a) Italiako umorista eta aktorea da, bere emanaldietan politikariak eta korporazioak kritikatzeagatik ezaguna.

Biografia[aldatu | aldatu iturburu kodea]

Komedian kasualitatez hasi zen, proba batean bakarrizketa inprobisatzeko gai izan baitzen 1977an. Umorea kritikatzeko erabiltzeko erabakia 1985ean hartu zuen. Hastapenean, bere ustez telebistako gehiegizko melodramatismoa salatu bazuen ere, berehala iragarki faltsuen eta produktu kutsakorren aurka egin zuen.

1987an, RAI telebista publikoko saio batean, Grillok Bettino Craxi Lehen Ministroa kritikatu zuen ustelkeriaren susmoak egotziz. Izan ere, Craxi Txinako Herri Errepublika bisitatzen ari zela, Grillok esan zuen:

Txinatar guztiak sozialistak baldin badira, nor lapurtzen dute?

Nahiz eta Craxiren gobernuko ustelkeria masiboa epaitegietan frogatuta egon (Craxi bera Tunisian hil zen erbesteratuta, Italiara itzuli ezinik), orduz geroztik oso gutxitan agertu da Grillo Italiako kate publikoetan, baita Silvio Berlusconiren Mediaset media sarean ere. Hala ere, 1993an, azkenean RAIra bueltatu zenean, 16 milioi ikusleko audientzia eskuratu zuen.

Hori dela eta, leporaino betetzen diren antzokietan ematen ditu gobernu eta korporazioen aurkako ikuskizunak; energia, ustelkeria, globalizazioa, adierazpen askatasuna edo teknologia ditu hizpide ohikoak. Parmalat enpresako ustelkeria kasuak leher egin baino askoz lehenago salatu zuen Grillok, finantza hutsuneak begi bistakoak zirelakoan. Internet ere erabili ohi du (Wikipedia goraipatu du ezaguerak partekatzeko balioarengatik), eta berak idatzitako bloga Italiako irakurriena da. 2005eko urrian, Time aldizkariak Europako 25 heroietako bat izendatu zuen Grillo.

2009an 5 Izar Mugimendua sortu zuen.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Beppe Grillo Aldatu lotura Wikidatan