Canis Maior

Canis Major
Irudi gehiago
Datuak
Laburdura	CMa
Genitiboa	Canis Maioris
Sinbologia	Txakur Nagusia
Eremua	380,1 gradu karratu (43. maila)
Izar kantitatea (magnitudea < 3)	147
Izarrik distiratsuena	Sirius (itxurazko magnitudea )
Konstelazio mugakideak	Monoceros, Lepus (konstelazioa), Columba eta Puppis (konstelazioa)
Behaketa
Igoera zuzena	6 o 11,60' eta 7 o 27,89' artean h
Deklinazioa	-33,25 eta -11,03 artean°
Ikuspen onena 21:00etan (9 PM): Otsaila
+56° eta −-90° latitude bitartean ikusgai.

Canis Major (Txakur Nagusia), zeruko mugimenduan eguneko mugimenduaren ondorioz, ehiztari handia den Orioni jarraika ari dela dirudien konstelazio bat da.

Mitologia

Txakur nagusiarentzako zenbait identifikazio posible proposatu dira:

• Lelape, Zeusek Europari oparitu zion txakur bat. Ondorengo zenbait belaunalditara pasa zen Zefaloren txakurra bihurtu zen arte. Teumesiar azeri emearen jazarpenean, Zeusek harri bihurtu zuen eta ondoren konstelazioen artean jarria.
• Orionen txakurra, zeruan bere jabearen aldi berean jarria izan zena, beti bere ondoan egon izan bait zen.
• Mera txakur emea, Ikario eta Erigonerena. Hildako bere jabeen gorpuak aurkitu zituen, eta bere aieneekin jendea bi gorpuak lurperatzeko erakarri zuen. Dionisok konstelazioen artean jarri zuen.

Sirio izarra, bere izenak "kiskalgarria" esan nahi duena, eta "txakur izarra" bezala ere ezaguna, gaueko zeruko izarrik dizdiratsuena da, itxurazko dizdirari dagokionez soilik Ilargiak, Martek, Venusek eta Jupiterrek gainditzen dutelarik. Ipar hemisferioko udan ikustezina denez, antzina, egunik beroenak edo txakur egunak eratzeko, bere energia Eguzkiarenari gehitzen zitzaiola uste zen.

Ezaugarri nabarmengarriak

Sirio (α Canis Majoris), gaueko zeruko izarrik dizdiratsuena da, baita gugandik gertuen dagoenetako bat ere (8,7 argi urteko distantziara). Begi hutsez ikus daitekeen Sirio Ak eta Sirio B nano zuriak osatutako izar bitar bat da. Murzim (β Canis Majoris) Beta Cephei izar aldakorren ordezkari nagusietako bat da. VY Canis Majoris hipererraldoi gorri bat da, Ezagutzen den izarrik handienetako bat da; une honetan ezagutzen den izarrik handiena UY Scuti da, baita masiboenetako bat ere.