Bilbao Athletic

Bilbao Athletic

Ezizena(k)	Kumeak
Sorrera	1964 (60 urte)
Futbol zelaia	Lezama edukiera: 2.500 lagun inaugurazioa: 1971
Presidentea	Josu Urrutia
Entrenatzailea	Joseba Etxeberria
Liga	2B maila
2018-19	6.a (II multzoan)
Webgunea	www.athletic-club.net
Etxekoa 　 Kanpokoa

Bilbao Athletic edo Athletic B Athletic Clubeko futbol arloko talde profesionalen azpian dagoen futbol taldea. Harrobiko maila altuena da eta jokalariez hornitzen du lehen taldea. Egun Bigarren B Mailaren II. Multzoan dabil. Espainiako Federakuntzaren arauak direla eta, bigarren taldea izanda beti lehendabiziko taldea baino maila bat beherago (gutxienez) jokatu behar du eta ezin du Errege Kopan parte hartu. Taldeak 23 urte baino gazteagoak diren futbolariek osatua izan behar da, edo behintzat, 25 urte baino gazteagoak baina lehen taldearekin kontratu profesional bat sinatu dutenek.

Historia

Bilbao Athletic 1938an, Espainiako Gerra Zibilaren garaietan, sortu zuten Espainiako Ligaren etenaldian Bizkaiko Txapelketan parte hartzeko. Gerra bukatu eta berehala, taldea desagertu zen Getxoko Arenas bigarren taldea bihurtuta.

1964an ideia berpiztu eta, Piru Gainzak entrenatuta, Bigarren Erregional Mailan hasi zen 1966an Hirugarren Mailara igo arte. 1969an Bigarren Mailara igotzea lortu zuen urte bakarrerako. Bigarren igoera 1983an izan zuen eta 1996 arte urtero aritu zen bertan, 1988-89 denboraldian ezik. Emaitza onak ere lortu zituen, bereziki lehenengo urtean, 1984an, bigarren egin baitzuen baina ez zen mailaz igo Athletic-en harrobiko taldea zelako. 1990an hirugarrena izan zen eta igotzea tokatzen zitzaion arren bigarren mailan gelditu zen berriz.

Azken bi hamarkadetan Bigarren B mailan aritu da eta hainbat aldiz igoera play-offa jokatu du. 2015 ekainean lortu zuen Bigarren mailara bueltatzea baina urte bakarra egin zuen bertan.

Futbol Zelaia

Athletic Clubek Lezamako bere instalazioetan duen zelaiak 2.000 ikusleentzako tokia du. Bigarren Mailan aritutako denboraldietan San Mames ere erabili du.

Datuak

2019-20 denboraldia barne.

• Denboraldiak Lehenengo Mailan: 0
• Denboraldiak Bigarren Mailan: 14
• Denboraldiak Bigarren B Mailan: 29
• Denboraldiak Hirugarren Mailan: 10
• Emaitzarik onena: 2.a (Bigarren Maila 83-84 denboraldia)

Palmaresa

• Bizkaiako Txapelketa: 1938-39
• Bigarren B Maila (2): 1982-83, 1988-89
• Hirugarren Maila (2): 1966-67, 1968-69

Azken urteetako ibilbidea

Urtea	Maila	Postua
1999-00	Bigarren B maila	8.a
2000-01	Bigarren B maila	6.a
2001-02	Bigarren B maila	6.a
2002-03	Bigarren B maila	4.a
2003-04	Bigarren B maila	11.a
2004-05	Bigarren B maila	4.a
2005-06	Bigarren B maila	6.a
2006-07	Bigarren B maila	15.a
2007-08	Bigarren B maila	15.a
2008-09	Bigarren B maila	4.a
2009-10	Bigarren B maila	15.a
2010-11	Bigarren B maila	12.a
2011-12	Bigarren B maila	8.a
2012-13	Bigarren B maila	3.a
2013-14	Bigarren B maila	5.a
2014-15	Bigarren B maila	2.a (igo)
2015-16	Bigarren maila	22.a (jeitsi)
2016-17	Bigarren B maila	8.a
2017-18	Bigarren B maila	4.a
2018-19	Bigarren B maila	6.a

Taldea

Egungo taldea

Zbk. Postua Jokalaria ATE Unai Etxebarria ATE Unai Simón ATZ Óscar Gil ATZ Unai Bilbao ATZ Urtzi Iriondo ATZ Julen Arellano ATZ Jon Agirrezabala ATZ Andoni López Saratxo ERD Iker Undabarrena ERD Aitor Seguin

Zbk. Postua Jokalaria ERD Lander Olaetxea ERD Jurgi Oteo ERD Gorka Iturraspe ERD Martin Bengoa ERD Gorka Perez ERD Urtzi Urzelai AUR Gorka Santamaría AUR Gorka Guruzeta AUR Yanis Rahmani

Taldea denboraldika

• Bilbao Athletic 2014/2015
• Bilbao Athletic 2015/2016
• Bilbao Athletic 2016/2017
• Bilbao Athletic 2017/2018
• Bilbao Athletic 2018/2019
• Bilbao Athletic 2019/2020

Kanpo estekak

• Datuak: Q794970