Virunga Parke Nazionala

Virunga Parke Nazionala1 UNESCOren gizateriaren ondarea
Nyiragongo sumendia gauez.
Mota	Naturala
Irizpideak	vii, viii, x
Erreferentzia	63
Kokalekua	Kongoko Errepublika Demokratikoa (Afrika)
Eskualdea2	Afrika
Koordenatuak	0°55′00″N 29°10′00″E
Izen ematea	1979 (III. bilkura)
1 UNESCOk jarritako izen ofiziala (euskaratua) 2 UNESCOren sailkapena

Virunga Parke Nazionala, lehen Albert Parke Nazionala deitua, Kongoko Errepublika Demokratikoko naturagune babestua da. Herrialdearen ekialdeko mugan dago, Virunga mendietatik Ruwenzori mendietaraino, Eduardo aintziraren mendebaldeko ertzean. Rwandako Sumendien Parke Nazionalarekin eta Ugandako Rwenzori mendien Parke Nazionalarekin lotuta dago. Parke Nazionala 1925an sortu zen, Afrikako lehendabizikoa izanik. 1979an Unescok Gizateriaren Ondare deklaratu zuen; 1994an arriskuan dagoen gizateriaren ondarearen zerrendan sartu zuen. 7.800 km² ditu. Gordetzen duen biodibertsitatea dela eta, garrantzi handiko parkea da.

Ekosistema nagusiak

Ekosistema nagusiak hezeguneak eta sabanak dira. Ruwenzori mendiak mendiko larrez estaliak daude; badago baita glaziar bat ere. Parkean bi sumendi aktiboak daude, Nyiragongo eta Nyamuragira, laba zonaldeez inguratuta. Nyamuragira sumendiak 2010ean eztanda egin zuen eta parkeko fauna eta inguruko herriak arriskuan jarri zituen; 2002an Goma hiria partzialki txikituta gelditu zen antzeko eztanda baten ondorioz.

Emmanuel de Merode printzea Parke Nazionalaren zuzendaria da.

Fauna

Mendiko gorilak Virungan.

Parkea mendiko gorileei esker oso ezaguna da munduan. Kongoko lehenengo gerraren ondorioz populazio hau desagertzeko zorian egon zen eta gaur egun gutxi dira bizirik daudenak nahiz eta babesteko neurriak arrakasta izan. Antza denez populazioa berreskuratzen ari da.

Hipopotamoa beste espezie enblematikoa izan da, bereziki Albert aintziran. 2006an, ordea, isileko ehizaren ondorioz %95 hil zituzten.

• Mendiko gorila (Gorilla beringei beringei)
• Txinpantze (Pan troglodytes)
• Kolobo gorria (Piliocolobus badius)
• Oihan elefantea (Loxodonta cyclotis)
• Sabanako elefantea (Loxodonta africana)
• Afrikar bufaloa (Syncerus caffer)
• Jirafa (Giraffa camelopardalis)
• Okapi (Okapia johnstoni)
• Hipopotamoa (Hippopotamus amphibius)

Arazoak

• Gerra
• Isileko-ehiza.
• Oihanaren txikizioa.

Kanpo estekak

• (Ingelesez): UNESCO Virunga National Park
• (Ingelesez): UNEP-WCMC Natural Site Data Sheet

• Datuak: Q223589
• Multimedia: Virunga National Park / Q223589

‎