Borhane Alaouié

Borhane Alaouié
Bizitza
Jaiotza	Arnoun (en) , 1941eko apirilaren 1a
Herrialdea	Libano
Lehen hizkuntza	arabiera
Heriotza	Brusela-Hiriburua eskualdea, 2021eko irailaren 9a (80 urte)
Heriotza modua	berezko heriotza: miokardio infartu akutua
Hezkuntza
Hizkuntzak	arabiera frantsesa
Jarduerak
Jarduerak	film-zuzendaria eta unibertsitateko irakaslea
Sinesmenak eta ideologia
Erlijioa	islama

Borhane Alaouié (Arnoun, 1941eko apirilaren 1a - Brusela-Hiriburua eskualdea, 2021eko irailaren 9a) libanoar zinema-zuzendaria izan zen.

Biografia

Zinema-arloan Bruselan hezi zen (1968-1973), eta zuzendari gisa Belgikan bertan egin zituen lehen urratsak, film laburrak eginez (Fourrière, 1971). 1974an, Kafr kasem filma, gaur egun palestinarren arazoaz inoiz egin den filmik onenetakotzat hartua, zuzendu zuen. Film honek harrera bikaina izan bazuen ere, hurrengo bietan jasan zituen eragozpen ideologikoek zakarki eten zuten Alaouiéren etorkizun handiko karrera. Lehen oztopoa La yakfi an yakun Allah maa al-fuqaraa (1976) dokumental bikainarekin izan zuen, Hassan Fathi egiptoar arkitektoaz eta mendebaldeko arkitekturak eta arkitektura tradizionalak mundu arabiarrean bizi duten gatazkari buruzkoa, ez zen babesa eman ziotenen (UNESCO) gustukoa izan, eta Egipton bertan ere debekatu zuten. Bigarren ezbeharra eta erabakigarriena, Beyroutou el lika (1982) bere bigarren film luzearekin jasan zuen, zenbait arabiar taldek, gerrak suntsituriko Beiruteko eguneroko bizitza era pertsonal eta intimistan azaltzen zuelako nahigabeturik, gogor erantzun ziotelako. Geroztik Europan bizi da; telebista-kate batzuetarako film ertain batzuk (Risala min zaman al-harb, 1985; Risala min zaman al-manfaa, 1988; Assouan, un haut barrage sur le Nil, 1990) eta Parisen atzerriratutako intelektual arabiar batek Golkoko gerra nola bizi ote duen galdetzen duen Harb al-Jalyj... wa baad (1991) film kolektiboko emanaldi bat (Al-jusuf fi layla dalmaaa ) bakarrik zuzendu ahal izan zituen.

Filmografia

• Kafr kasem (1975)
• Il ne suffit pas que dieu soit avec les pauvres (1978)
• Beyroutou el lika (1981)
• A Letter from a Time of War (1985)
• Lettre d'un temps d'exil (1990)
• Assouan, le haut barrage (1992)
• The Gulf War... What Next? (1993)
• A toi où que tu sois (1999)
• Khalass (2007)
• Mazen wal namla (2008)

Kanpo estekak

• Datuak: Q2910871