Bourgesko katedrala

Bourgesko katedrala
	Cathédrale Saint-Étienne de Bourges
	UNESCOren gizateriaren ondarea; Monumentu historikoa
	Donejakue bideak Frantzian
	Irudi gehiago
Kokapena
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Erdialdea-Loira Harana
Departamendua	Cher
Frantziako udalerri	Bourges
Koordenatuak	47°04′56″N 2°23′57″E / 47.08222°N 2.39917°E
Historia eta erabilera
UNESCOko Mundu Ondare Gunearen artxiboaren zuzenketa	2013
Erlijioa	katolizismoa
Elizbarrutia	Roman Catholic Archdiocese of Bourges (en)
Izena	Eztebe
Arkitektura
Estiloa	classic gothic (en)
Azalera	0,85 ha
Gizateriaren ondarea
Irizpidea	(i) eta (iv)
Erreferentzia	635, 868-028 eta 635bis
Eskualdea	Europa eta Ipar Amerika
Izen-ematea	1992 (XVI. bilkura)
Mérimée ID	PA00096656
Kontaktua
Helbidea	place Étienne-Dolet
	Webgune ofiziala
	↑ UNESCOk egindako sailkapenaren arabera ;

Bourgesko katedrala (frantsesez Cathédrale Saint-Étienne de Bourges) Frantzia osoan arkitektura gotikoaren adibiderik ederrenetarikoa da, XII.-XIII. mendeetan egindakoa. Bourges hirian dago, Cherko departamenduan, Centreko eskualdean.

1862an monumentu historiko izendatu zuten eta 1992an Gizateriaren Ondare izendatu zuen Unescok.^[1]

Historia[aldatu | aldatu iturburu kodea]

III. mendetik aurrera lau eraikin eraiki ziren katedrala dagoen lekuan: kriptak III, IV eta IX. mendeetan eta katedral erromaniko bat XI. mende hasieran.

Katedral berria Loira ibaiaren hegoaldean eraikitako lehen eraikin gotikoa izan zen. Harresietatik kanpo eraiki zuten.

1195ean hasi zuten eraikuntza, eta 1214an eraikin erdia amaituta zegoen.

12 urteko geldialdiaren ostean, 1225ean berriro hasi zituzten obrak. 1230ean amaitu zuten obra nagusia, nahiz eta gero konponketa txikiak egin zituzten.

1506an iparraldeko dorrea erori egin zen eta XVI. mende amaieran berreraiki zuten.

1562an, erlijio gerretan, Bourges protestanteen eremuan geratu zen eta katedraleko eskulturak kaltetu zituzten.

Kanpoaldea[aldatu | aldatu iturburu kodea]

Mendebaldeko fatxada Frantziako eraikin gotikoen artean zabalena da (40 metro baino gehiago). Bost atari ditu, ate bikoitzekin. Atari bakoitza nabe batekin lotua dago. Erdiko atariak Azken Epaiari buruzko dekorazio ikusgarria dauka.

Arbotanteek inklinazio handia daukate, erdiko nabearen eta alboko nabeen arteko altuera desberdintasunera egokitzeko.

1424an egindako erloju astronomikoa ere badauka.

Arbotanteak
Fatxada nagusia
Azken epaiaren ataria

Barrualdea[aldatu | aldatu iturburu kodea]

Katedralak ez dauka transepturik, eta bost nabe ditu. Beirate ugari ditu, gehienak XIII. mendekoak, nahiz eta XVI. mendean gehiago gehitu zizkioten.

Erdiko nabea eta gangak
Beirateak

Erreferentziak[aldatu | aldatu iturburu kodea]

↑ (Frantsesez) mondial, UNESCO Centre du patrimoine. «Cathédrale de Bourges» UNESCO Centre du patrimoine mondial (Noiz kontsultatua: 2023-06-13).