David Crosby

David Crosby
	; Irudi gehiago
	Ahotsa
Bizitza
Jaiotzako izen-deiturak	David Van Cortlandt Crosby
Jaiotza	Los Angeles, 1941eko abuztuaren 14a
Herrialdea	Ameriketako Estatu Batuak
Lehen hizkuntza	ingelesa
Heriotza	Santa Ynez (Kalifornia), 2023ko urtarrilaren 18a (81 urte)
Heriotza modua	: COVID-19a
Familia
Aita	Floyd Crosby
Ama	Aliph Van Cortlandt Whitehead
Seme-alabak	ikusi James Raymond (en) ; Beckett Cypher (en) ;
Anai-arrebak	ikusi Ethan Crosby (en) ;
Leinua	Van Cortlandt family (en) ; Van Rensselaer family (en)
Hezkuntza
Heziketa	Cate School (en) ; Santa Barbara City College (en)
Hizkuntzak	ingelesa
Jarduerak
Jarduerak	gitarra-jotzailea, egile abeslaria, abeslaria, aktorea, musikaria, musikagilea eta kanta-idazlea
Jasotako sariak	ikusi MusiCaresen urteko pertsona (1991) ; Rock and Roll Hall of Fame ;
Kidetza	Crosby & Nash; The Byrds; Crosby, Stills, Nash & Young; The Byrds; Crosby, Stills & Nash; Les Baxter's Balladeers
Genero artistikoa	rock; folk rock; country rock; jazz fusion (en)
Musika instrumentua	gitarra; biolina; pianoa; 12-string guitar (en) ; panderoa; ahotsa
Diskoetxea	Atlantic Records; A&M Records (en) ; Rhino
	davidcrosby.com

David Van Cortland Crosby (Los Angeles, 1941eko abuztuaren 14a - Seattle, 2023ko urtarrilaren 18a) estatubatuar folk-rock musikari, gitarrista eta abeslaria izan zen. The Byrds eta Crosby, Stills, Nash & Young taldeetako kide sortzailea izan zen. Talde horiekin egindako lanek bi aldiz eraman zuten Rock and Roll Hall of Famera.

Bizitza[aldatu | aldatu iturburu kodea]

David Van Cortlandt Crosby Los Angelesen jaio zen, 1941eko abuztuaren 14an. Aktore izan nahi zuen gaztetxotan; 20 urterekin heldu zion gitarra jotzeko grinak, eta folk talde batean jotzen hasi zen, 1960ko urteetan AEBetako mendebaldeko kosta zeharkatzen zuen soinu eta giro berriak hauspoturik.^[1]

Giro bizi hartan sortu zuen The Byrds taldea, Roger McGuinn, Gene Clark, Chris Hillman eta Michael Clarkerekin batera. 1965ean kaleratu zuten beren aurreneko diskoa, Mr. Tambourine Man, folk kanten bertsio disko bat, nagusiki, Bob Dylanek ondutako pieza batzuk biltzen zituena, baita Clark taldekideak sortutako edo moldatutako beste batzuk ere. Taldeak arrakasta handia izan zuen.^[1]

1960ko hamarkadaren bigarren erdian, eragin handia izan zuten rock psikodelikoaren sorreran, Fifth Dimension (1966), Younger Than Yesterday (1967) eta The Notorious Byrd Brothers (1968) diskoen bidez.^[1] The Byrdsen lehenbiziko bost diskoetan parte hartu zuen. Izan ere, barne tirabirak zirela-eta, taldetik bota zuten, 1967ko Montereyko Pop Jaialdian Buffalo Springfieldekin jo zuelako aitzakia jarrita.^[2]

1969an, disko bat atera zuen Stephen Stillsekin eta Graham Nashekin batera, azalean haien abizenak soilik zeramatzana, eta lau milioi ale baino gehiago saldu zituzten. Handik urtebetera, Neil Youngekin laukotea osatu zuten, Atlantic Records zigiluaren bultzadarekin. Halaxe sortu zen Crosby, Stills, Nash & Young (CSNY) talde entzutetsua. Jatorrizko Woodstock jaialdian jo zuten, besteak beste. Déjà vu (1970) izan zen elkarrekin kaleratu zuten lehen lana, eta hippyen garaiko disko ikoniko bihurtu zen denbora gutxian.^[1]

1971n atera zuen bere bakarkako lehenbiziko diskoa, If I Could Only Remember My Name. Ordutik, bakarka aritu zen maiz, eta hainbat kolaborazio ere egin zituen. Ibilbidean erakutsitako errebeldiak ere atentzioa eman zuen zenbait alditan; sutsuki defendatu zituen mugimendu kontrakultural batzuk, eta 1982an espetxeratu egin zuten, drogak eta armak edukitzeagatik. Bost hilabete eman zituen kartzelan.^[1]

Diskografia[aldatu | aldatu iturburu kodea]

Estudioko albumak[aldatu | aldatu iturburu kodea]

1971: If I Could Only Remember My Name (Atlantic)
1989: Oh, Yes I Can! (Atlantic)
1993: Thousand Roads (Atlantic)
2014: Croz (Blue Castle)
2016: Lighthouse (Ground UP)
2017: Sky Trails (BMG Music)
2018: Here If You Listen, Michael League, Becca Stevens eta Michelle Willisekin (BMG Music)
2021: For Free (BMG Music)

Zuzeneko albumak[aldatu | aldatu iturburu kodea]

1995: It's All Coming Back to Me Now... (Atlantic)
1996: King Biscuit Flower Hour (King Biscuit)
2022: David Crosby & The Lighthouse Band Live at the Capitol Theatre (BMG Music)

Erreferentziak[aldatu | aldatu iturburu kodea]

↑ ^a ^b ^c ^d ^e Rey Gorraiz, Uxue, Imaz, Andoni. David Crosby folk-rock gitarrista hil da, 81 urterekin. Berria, 2023ko urtarrilak 20, CC BY-SA 4.0, berria.eus (Noiz kontsultatua: 2023-01-21).
↑ Beauregard, Luis Pablo. Muere David Crosby, leyenda del folk-rock, a los 81 años. El Pais, 2023ko urtarrilak 20, elpais.com (Noiz kontsultatua: 2023-01-21).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

Datuak: Q370560
Multimedia: David Crosby / Q370560

[berria-1] Rey Gorraiz, Uxue, Imaz, Andoni. David Crosby folk-rock gitarrista hil da, 81 urterekin. Berria, 2023ko urtarrilak 20, CC BY-SA 4.0, berria.eus (Noiz kontsultatua: 2023-01-21).

[ep-2] Beauregard, Luis Pablo. Muere David Crosby, leyenda del folk-rock, a los 81 años. El Pais, 2023ko urtarrilak 20, elpais.com (Noiz kontsultatua: 2023-01-21).

[1]

[2]