Eduardo Frei Ruiz-Tagle

Wikipedia, Entziklopedia askea
Jump to navigation Jump to search
Eduardo Frei Ruiz-Tagle
Eduardo Frei Chiledebate.jpg
Txileko senatuko presidentea

2006-03-11 - 2008-03-11 - Adolfo Zaldívar Itzuli
Txileko senataria

2006-03-11 - 2014-03-11
Gabriel Valdés Subercaseaux Itzuli
biziarteko senatari

2000-03-21 - 2006-03-11
Txileko senataria

2000-03-11 - 2006-03-11
33. Txileko lehendakaria

1994-03-11 - 2000-03-11
Patricio Aylwin - Ricardo Lagos
Txileko senataria

1990-03-11 - 1994-03-11
Gabriel Valdés Subercaseaux Itzuli
Txileko senataria

1990-03-11 - 1994-03-11
← baliorik ez
Bizitza
Jaiotza Santiago1942ko ekainaren  24a (76 urte)
Herrialdea  Txile
 Suitza
Familia
Aita Eduardo Frei Montalva
Ama María Ruiz-Tagle
Ezkontidea(k) Marta Larraechea Itzuli
Anai-arrebak
Hezkuntza
Heziketa Txileko Unibertsitatea
Hizkuntzak gaztelania
Jarduerak
Jarduerak ingeniari zibila, politikaria eta ingeniaria
Jasotako sariak
Sinesmenak eta ideologia
Alderdi politikoa Alderdi kristau-demokrata
Firma Frei Ruiz-Tagle.png

Eduardo Frei Ruiz-Tagle (Santiago de Chile, Txile, 1942) politikaria da, Txileko lehendakari izandako Eduardo Frei Montalvaren semea. Txileko lehendakari izan zen 1994-2000 urte-bitartean.

Bizitza[aldatu | aldatu iturburu kodea]

Ingeniaritza-ikasketak egin zituen Txileko Unibertsitatean. 1958an hasi zuen bere karrera politikoa, Txileko Alderdi Kristau Demokratako kide gisa, eta hurrengo urteetan aitari lagundu zion lehendakaritzarako kanpaina prestatzen. 1969tik aurrera, eraikuntzan hasi zen lanean ingeniari gisa, Sigdo Koppers S.A. enpresan.

1985ean, aita hil eta hiru urtera, berriro politikan hasteko asmoa azaldu zuen, aitak bukatu gabe utzitakoa burutzeko. Hauteskunde Libreak batzordearen sortzaile eta bultzatzaileetako bat izan zen, Augusto Pinochet jeneralaren diktaduraren kontrako borrokan. 1989an senatari hautatu zuten, eta hiru urte geroago bere alderdiko lehendakaritza hartu zuen.

1993ko maiatzean, Txileko Demokraziaren Aldeko Alderdi Itunaren lehendakaritzarako hautagai izendatu zuten, eta abenduko 14an, Errepublikako lehendakari, bere alderdikide Patricio Aylwinen ordez. Alderdi Itunaren barruko eztabaidak gorabehera, ekonomiaren goraldiak boterean eutsi zion koalizioari, baina arazo politiko larriei egin behar izan zien aurre, armadak eragindakoei batez ere. Nahiz eta 1997ko hauteskundeetan Demokraziaren Aldeko Alderdi Itunak (Alderdi Sozialista, Demokraziaren Aldeko Alderdia, Alderdi Erradikal Sozialdemokrata, eta Freireren Alderdi Kristau Demokrata) gehiengoa lortu zuen diputatuen kongresuan, Txileren Aldeko Batasuna eskuindarrak bere aulki-kopurua gehitzea lortu zuen, senatuan batez ere, eta konstituzioan erreforma demokratikoak sartzeko aukera alferrik galdu zen. 1998ko urtarrilean, Pinochetek armadan erretiroa hartzeak eta biziarteko senatari bihurtzeak sortu zuen krisi politikoaren erdian, Freik kargutik kendu zuen Defentsa ministroa, Edmundo Pérez Yoma, diktadore ohiarengandik gertu zegoelakoan. 2000. urteko martxoan Ricardo Lagosek hartu zuen presidente-kargua Freiren ordez.

2000tik 2006ra bitartean, biziarteko senatari gisa jardun zuen. 2006ko martxotik aurrera, Los Ríos barrutia ordezkatuz senatari-kargua du.

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Eduardo Frei Ruiz-Tagle Aldatu lotura Wikidatan

Erreferentziak[aldatu | aldatu iturburu kodea]