Ekozona

Ekozonak edo erreinu biogeografikoak landareen eta animalien banaketa eredu geografikoetan eta haien eboluzioan eta historian oinarritutako eskualde biogeografiko handienak dira. Ekozonak izaki bizidunen garapen independentea izan duten Lurrazaleko area handiak dira, eta elementu geologiko erraldoiez (ozeanoz, basamortu handiz edo mendilerro altuz) banaturik daude. Elementu hauek hesi gisa jokatzen dute landareen eta animalien migrazioak oztopatuz.

Ekozonen eta biomen arteko desberdintasun nagusia da lehen multzoan izaki bizidunen historia ebolutiboa kontuan hartzen dela. Biometan, berriz, izaki bizidunek baldintza klimatikoen eta beste baldintza batzuen aurrean nola moldatu diren hartzen da kontuan. Bioma bat ekozona bat baino gehiagotan ager daiteke. Esaterako, koniferoen baso epel deritzon biomaren adibideak daude Europan eta Zeelanda Berrian, baina lehena Palearktikoan dago eta bigarrena Australasia izeneko ekozonan dago.

Ekozona hitza, hemen azaldutako esangurarekin, duela gutxi hasi zen erabiltzen. Badaude beste hitz batzuk kontzeptu bera adierazteko: erreinu, eskualde edo kontinente.

WWFren ekozonak

Ekozonen sailkapena Pielouk (1979) eta Udvardyk (1975) finkatutako erreinu biogeografikoetan oinarrituta dago. Naturarentzako Mundu Funtsak (WWF) biologoen talde bat bildu zuten ekozonak finka zitzaten, eta hauek zortzi ekozona sortu zituzten.

Neartikoa: 54,1 mil. km² (Ipar Amerika gehiena barne hartzen du)
Paleartikoa: 87,7 mil. km² (Eurasia eta Ipar Afrika gehiena barne hartzen du)
Afrotropikala: 22,1 mil. km² (Saharaz hegoaldeko Afrika barne)
Indomalaysiarra: 7,5 mil. km² (Afganistan eta Pakistan, India eta Hego-ekialdeko Asia)
Australasiarra: 7,6 mil. km² (Australia, Ginea Berria eta inguruko uharteak)
Neotropikoa: 19,0 mil. km² (Hego Amerika eta Karibea)
Ozeaniarra: 1,0 mil. km² (Polinesia, Fiji eta Mikronesia)
Antartikoa: 0,3 mil. km² (Antartika).

Itsasoko ekozonak WWFren arabera

Artikoa
Ipar Atlantiko epela
Ipar Pazifiko epela
Atlantiko tropikala
Mendebaldeko Indo-Pazifikoa
Erdiko Indo-Pazifikoa
Ekialdeko Indo-Pazifikoa
Ekialdeko Pazifiko tropikala
Hego Amerika epela
Hego Afrika epela
Australasia epela
Ozeano Australa

Kanpo estekak

Datuak: Q944816
Multimedia: Biogeographic realms / Q944816