L'Équipe
| L'Equipe | |
|---|---|
 | |
| Mota | Kirolak |
| Fitxa teknikoa | |
| Lehen zenbakia | 1946 |
| Hizkuntza | Frantsesa |
| Argitaratze lekua | Paris |
| Formatua | Grand Format |
| Argitaletxea | Éditions Philippe Amaury |
| Banaketa | |
| Banatze-eremua | Frantzia |
| Maiztasuna | Egunero |
| Salneurria | 1,5€ astelehenetatik ostilaletara
2,3€ larunbatetan 1,5€ igandetan |
| Historia | |
| Sortzailea | Jacques Goddet (en)  |
| Zuzendaria | Laurent Prud'homme |
| Identifikadoreak | |
| ISSN | 0153-1069 eta 2263-4940 |
| www.lequipe.fr/ | |
   | |
L'Équipe kirolaren inguruan informatzen duen egunkaria da. Gehienbat futbolari buruz informatzen du, baina baita beste kirol batzuen inguruan ere, adibidez errugbia, txirrindularitza, motor-kirolak edota saskibaloia.
Europako kirol-egunkari ospetsuenetako bat da, eta urte batzuetan Frantziako egunkari irakurriena izan zen, Le Monde eta Le Figaro jeneralisten aurretik, nahiz eta gaur egun (2022) ez den horrela.
Egunkari historiko honek Tour de France ospetsua sortu zuen 1903 urtean, L'Auto izenpean.
Historia[aldatu | aldatu iturburu kodea]
L'Equipe 1900an sortutako L'Auto egunkariaren ondorengoa da. Jacques Goddet kazetariak sortu zuen 1946. urtean. Egunkariak astean hirutan argitaratzen zuen 1948ko otsailaren 28ra arte.
L 'Équipe-k Europako Txapeldunen Kluben Kopa zaharraren ideian parte hartu izanaren ohorea du, [1] ondoren Europako Kopa bezala berrizendatua eta gaur egun UEFAko Txapeldunen Liga bezala ezagutzen dena. 1955ean gertatu zen dena, UEFAk egunkari frantziarraren ekimena onartu zuenean, zehatzago Jaques Goddet zuzendaria eta Gabriel Hanot kazetariarena. Proiektuak garai hartan Real Madrileko presidentea zen Santiago Bernabeuren eta UEFAko presidenteorde Gusztav Sebes hungariarraren babesa izan zuen.
1948tik egunero argitaratzen du L'Equipek. 1980tik aurrera larunbatetako edizioa gehitu zuen. 2015ean, portadaren formatua aldatu eta maindire izatetik (58 x 28 cm) tabloide izatera igaro zen (36 x 28 cm).
Edukiak[aldatu | aldatu iturburu kodea]
L'Equipek kirol ugariri buruzko informazioa eskaintzen du, nahiz eta esan bezala futbola den gai nagusia. Egunkariaren webguneko hasierako orrian hainbat kirol agertzen dira (futbola, tenis, errugbia, txirrindularitza, saskibaloia, motor-kirolak, eskubaloia, golf, atletismoa...) eta kirol bakoitzaren barruan hainbat sekzio daude txapelketa nagusien inguruan. Gehienetan, Frantziako txapelketak hartzen dute nagusitasuna; adibidez, futboleko atalaren barruan Ligue 1 da lehen aukera, eta saskibaloian Betlic Elite txapelketa bigarrena NBAren atzetik, besterik beste.
Honez gain, L'Equipek iritzi artikuluak, hainbat partidu eta txapelketen emaitzak zuzenean bizitzeko aukera eta kirol desberdinei buruzko podcast ugari eskeintzen ditu.
Hedapena[aldatu | aldatu iturburu kodea]
L'Equipe Frantziako egunkaririk irakurrienetakoa da gaur egun, nahiz eta azken urteetan hedapen datuek behera egin duten.[2][3]
| Urtea | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 |
|---|---|---|---|---|---|---|---|---|---|---|
| Edizio orokorra | 386.189 | 386.601 | 455.598 | 321.153 | 339.627 | 369.428 | 365.654 | 365.411 | 327.168 | 298.949 |
| Igandeetako edizioa | – | – | – | – | – | – | – | – | – | – |
| 2009 | 2010 | 2011 | 2012 | 2013 | 2014 | 2015 | 2016 | 2017 | 2018 | |
| Edizio orokorra | 303.106 | 302.158 | 285.407 | 274.828 | 243.580 | 219.810 | 223.675 | 232.227 | 234.899 | 249.794 |
| Igandeetako edizioa | 321.251 | 306.333 | 283.321 | 258.137 | 233.219 | 219.389 | 227.626 | 220.342 | 220.663 | 244.612 |
Salmentarik handiena 1998ko uztailaren 13an izan zen, Frantziako futbol selekzioak Munduko Txapelketa irabazi eta hurrengo egunean. Egun horretan 1.645.907 kopia saldu zituen. Bigarren onena 2000ko uztailaren 3an izan zen, Frantziako futbol selekzioa Europako txapeldun izan ondoren. L'Equipek 1.255.633 kopia saldu zituen.
Organigrama[aldatu | aldatu iturburu kodea]
Zuzendariak:[aldatu | aldatu iturburu kodea]
- 1946-1984: Jacques Goddet
- 1984-1993: Jean-Pierre Courcol
- 1993-2002: Paul Roussel
- 2003-2008: Christophe Chenut
- 2008-2014: François Morinière
- 2014-2015: Philippe Carli
- 2015-2018: Cyril Linette
- 2018-2021: Jean-Louis Pelé
- 2021tik aurrera: Laurent Prud'homme
Erredakzioko zuzendariak:[aldatu | aldatu iturburu kodea]
- 1946-1954: Marcel Oger
- 1954-1970: Gaston Meyer
- 1970-1980: Édouard Seidler
- 1980-1987: Robert Parienté
- 1987-1989: Henri Garcia
- 1989-1990: Noël Couëdel
- 1990-1992: Gérard Ernault
- 1993-2003: Jérôme Bureau
- 2003-2008: Claude Droussent
- 2008-2009: Remy Dessarts
- 2009-2015: Fabrice Jouhaud
- 2015tik aurrera: Jérôme Cazadieu
Enpresa[aldatu | aldatu iturburu kodea]
L'Equipe Groupe Amaury taldearen parte da. Enpresa hau Le Parisien eta beraien filialen jabea bihurtu zen 2015an, eta L'Equipen aurrekaria izan zen L'Auto egunkariak sortutako Frantziako Tourra antolatzen dute Amaury Sport Organisation enpresaren bidez. Taldearen zuzendaria Marie-Odile Amaury da gaur egun eta egoitza Bolougne-Billancourt hirian kokatuta dago.
Erreferentziak[aldatu | aldatu iturburu kodea]
- ↑ (Gaztelaniaz) Relaño, Alfredo. (2015-09-13). «El nacimiento de la Copa de Europa» El País ISSN 1134-6582. (Noiz kontsultatua: 2022-04-27).
- ↑ «L'Equipe - ACPM» www.acpm.fr (Noiz kontsultatua: 2022-04-27).
- ↑ «L'Equipe Dimanche - ACPM» www.acpm.fr (Noiz kontsultatua: 2022-04-27).
Kanpo estekak[aldatu | aldatu iturburu kodea]
- (Frantsesez)L'Equipeko webgunea
| ||||||||||||||||||||