Elizondoko geltokia

Elizondo
Tren bat Elizondoko geltokian, 1916an
Kokapena
Udalerria	Baztan, Nafarroa
Geltokiaren datuak
Irekiera	1916ko maiatzaren 28a
Itxiera	1956ko abenduaren 31a
Nasak	3
Trenbideak	5
Jabea	Nafarroako Gobernua

Elizondo Irun-Elizondo burdinbideko tren-geltokia izan zen, Baztango Elizondo herrian zegoena, Nafarroa Garaian. 1916an inauguratu zen, eta 1956an itxi.

Historia

Hasieran burdin mea garraiatzeko sortu bazen ere (1889. urtean onartu zen jatorrizko proiektua, Endarlatsa eta Irun artean), 1916. urtean Elizondo eta Irun arteko linea hasi zen martxan, bidaiariak eta ondasunak garraiatzeko. Jatorrizko linea The Bidasoa Railway and mines enpresak kudeatzen zuen eta, zenbait aldiz eskuz aldatu ondoren, Compañia de los Ferrocarriles del Bidasoa-k kudeatu zuen behin betiko proiektua. Iruñeraino luzatzeko baimena bazuen ere, luzapen hori ez zen eraiki. Nafarroako hiriburua Gipuzkoarekin konektatzen zuena Plazaolako trena zen.

1920. urtean izan zituen bidaiari gehien trenak, 171 000 guztira. Hamalau urte geroago, ordea, erdira baino gehiago jaitsi zen kopurua (78 000). Ondasunen garraioa ere gainbeheraren lekukoa izan zen: 1924. urtean 77 000 tona garraiatu ziren eta bederatzi urte geroago, 14 000 bakarrik. Erabilera gero eta txikiagoak ekarritako krisian murgilduta, 1953ko uholdeek gogor jo zioten zerbitzuari, azpiegitura kaltetu baitzuten. Hiru urte beranduago, 1956ko abenduaren 31an, behin betiko itxi zen trena.

Geltokia

Irun — Elizondo burdinbidearen 51,5 kilometro-puntuan zegoen, 203 metroko altueran, Lekarozko ikastetxeko geralekuaren eta amaiera artean. Bide bakarrekoa zen, eta ez zegoen elektrifikatuta.

Ikus, gainera

• Elizondo
• Irun—Elizondo burdinbidea

Kanpo estekak

• Datuak: Q103805776

Lekarozko ikastetxea Elizondo Irun–Hiria