Errolanen Arraila

Errolanen Arraila^[1] (frantsesez: brèche de Roland; gaztelaniaz: Brecha de Rolando; aragoieraz: Breca Roldán) Pirinioetako mendi-lepo estu bat da, Monte Perdido mendilerroan. Bertako kondaira baten arabera, Orreagako guduan, Karlomagnoren iloba Errolanek bere ezpata Durandal suntsitu nahi izan zuen arrokaren kontra, eta hala ireki omen zen koska hori.

Mendizale ugarik hartzen du hara heltzeko bidea, dela Sarradets aterpetik abiatuta (Frantzian dagoen Gavarnie haranetik), dela Espainian dagoen Ordesa eta Perdidoko Parke Nazionaletik abiatuta. Azken honetatik (Aragoi), Gorizko mendi-aterpetik, Carriatako zirkutik edo Cotatueroko zirkutik igo daiteke.