Florian Znaniecki

Wikipedia, Entziklopedia askea
Jump to navigation Jump to search
Florian Znaniecki
Florian Znaniecki.jpg
Bizitza
Jaiotza Świątniki, Włocławek County Itzuli1882ko urtarrilaren  15a
Herrialdea  Polonia
Heriotza Urbana (Illinois)1958ko martxoaren  23a (76 urte)
Heriotza modua : gaixotasun kardiobaskularra
Leinua Q63531278 Itzuli
Hezkuntza
Heziketa Jagiellonian University Itzuli
Jarduerak
Jarduerak filosofoa, soziologoa eta unibertsitateko irakaslea
Enplegatzailea(k) Illinoisko Unibertsitatea Urbana–Champaignen
Columbiako Unibertsitatea
Kidetza Polish Society of Arts and Sciences Abroad Itzuli

Florian Witold Znaniecki (Świątniki, Polonia, 1882ko urtarrilaren 15aChampaign, Illinois, 1958ko martxoaren 23a) Polonia jaiotako baina Estatu Batuetan lan egin zuen soziologo eta filosofoa da.

Ibilbide akademikoa[aldatu | aldatu iturburu kodea]

1902 eta 1903 bitarte filosofia eta soziologia ikasi zituen Varsoviako Unibertsitatean, baina 1903an tsarraren agintariek (Errusiar Inperioa) bota egingo dute askatasun akademikoa mugatzearen aurkako manifestaldietan parte hartzeagatik.

1903 eta 1909 bitarte, Genevako, Zurichko eta Pariseko (Sorbona) Unibertsitateetan jarraituko ditu ikasketak eta bertan garai hartako jakintsu handiak topatuko ditu, besteak beste, Henri Bergson eta Émile Durkheim.

1909 eta 1910 bitarte, bere ikasketak amaituko ditu Krakoviako Jegellonne Univertsitatean, eta bertan doktore titulua eskuratuko du "balioen auzia filosofian" izeneko tesiarekin.

Chicagoko Soziologia Eskolako partaide izan zen. 1914tik aurrera Estatu Batuak eta Polonia artean aldizkatzen zuen bizitza. Soziologia modernoaren sortzailetako bat bezala kontsideratzen da, bai Europan bai Estatu Batuetan. Poznan Unibertsitateko soziologia saila sortu zuen, Europako lehenetakoa.

William I. Thomasekin batera, Estatu Batuetako soziologian oso garrantzitsua den lan saila egin zuen, "Poloniar baserritarra Europan eta Estatu Batuetan" (The Polish Peasant in Europe and America). Lan honen bost tomoak 1918 eta 1920 bitarte argitaratu ziren. Znaniecki metodo kualitatiboen zalea zen, eta hala, bere lanetan zenbait zuzeneko elementu topatu daitezke, hala nola, metodo iruzkinak, gutunez osatutako material bibliografikoa. Garrantzia ematen dio batez ere "bizitzaren kontakizunei", eta ondoren, gizartearen antolakuntza eta aukeratutako taldeak gizarte horretan izango duen garapena ikertzen ditu.

Ikus, gainera[aldatu | aldatu iturburu kodea]