Gasteizko setioa

Wikipedia, Entziklopedia askea
Beste esanahi batzuen berri izateko, ikus: «Gasteizko setioa (argipena)»
Gasteizko setioa
Nafarroako konkista
Canton pulmonias.jpg
Data 1199ko ekainaren 5a - 1200ko urtarrilaren 25a
Lekua Gasteiz
 EH
Koordenatuak 42° 50′ 48″ N, 2° 40′ 23″ W / 42.84667°N,2.67306°W / 42.84667; -2.67306Koordenatuak: 42° 50′ 48″ N, 2° 40′ 23″ W / 42.84667°N,2.67306°W / 42.84667; -2.67306
Emaitza Gaztelarren garaipena
Gudulariak
Estandarte del Reino de Castilla.png Gaztelako Erresuma EstandNavarra.png Nafarroako Erresuma
Buruzagiak
Alfontso VIII.a Gaztelakoa
Diego Lopez II.a Harokoa
Antso VII.a Nafarroakoa
Martin Txipia

Gasteizko setioa Gasteiz hiriaren aurkako erasoaldia izan zen, Alfontso VIII.a buru zuen Gaztelako Erresumako armadak 1199-1200 bitartean egin zuena, Nafarroako Erresumaren mendebaldeko lurraldea konkistatzeko kanpainan, Antso VII.a Nafarroakoaren garaian.

Historia[aldatu | aldatu iturburu kodea]

Nova Victoria hiriburua 1181ean Antso VI.a Jakitunak eratu zuen Gasteiz herrixka zegoen muinoan[1].

Setioak zortzi edo bederatzi hilabetez iraun zuen, 1199ko ekainaren 5a baino lehen hasi eta 1200ko urtarrilaren 25a baino lehen bukatu zelako. Erasoa bitartean, hiribilduaren tenentea (erregeordea) edo gazteluzaina Martin Txipia izan zen[2]. Gaztelarrek hirira heldu bezain pronto bateriak eta erasoak erabili zituzten. Euskaldunek tinko eutsi eta sarraski handia izan zen, Donemiliaga Kukulako artxiboaren aburuz. Orduan erasotzaileek hiria setiatzeari ekin eta elikagaiak eta ura sartzea galarazi zuten[3].

Setioa bukatzeko asmotan, Antso VII.ak almohadeen laguntza bilatu zuen, hauek Gaztelako Erresuma eraso dezaten eta fronte berri bat sortzeko. Negoziazioak luzeak baziren ere, musulmanen artean zegoen banaketa zela eta ez zuen lortu. Iruñeko gotzaina zen Gartzea Errandoitzek gaztelarren tregoa lortu eta, garnizioko zaldun batekin, Ipar Afrikako almohadeen lurraldetarantz jo zuen erregeari egoera azaltzeko.[4] Antsok hiribildua menderatzea onartu zuen. Ordurako, 1200ko urtarrilean, Gaztelako Erresumako armadak Araba eta Gipuzkoa osorik zituen kontrolpean[5].

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]


Historia
Araba
Artikulu hau Arabako historiari buruzko zirriborroa da. Wikipedia lagun dezakezu edukia osatuz.