Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

GoiEner

Wikipedia, Entziklopedia askea
Jump to navigation Jump to search

Goiener, S.Coop
Goiener-1-k.png
Eslogana Herriarentzat (argi)indarra (Power to the people)
Mota Kooperatiba
Sektorea Elektrikoa
Sorrera 2012
Egoitza Ordizia
Langileak 31
Webgunea https://www.goiener.eus

GoiEner energia berriztagarria sortu eta salerostea helburu duen kooperatiba bat da, irabazi asmorik gabekoa. Kooperatibaren helburu nagusia % 100 energia berriztagarriko iturburua duen elektrizitatea merkaturatzea da, eta, horrekin batera, eredu energetikoa aldatzea, sentsibilizazio eta trebakuntza-lanak eginez.

Elkarte honek lan egiten du herritarrek energiaren kontsumo eta salmentaren kontrola berreskuratu dezaten, kontsumo arduratsu eta jasangarria bultzatuz, energia berriztagarriak erabiliz.

GoiEnerren ustez, gaur egungo ereduan energia-instalazioak kudeatzen dituzten enpresek dirua irabazteko asmoa dute gehienbat, eta horregatik, kontrako planteamendua bultzatu nahi du, alegia, sorkuntza-instalazio asko erabili (txikiak eta lurralde osoan banatutakoak), tokiko garapen ekonomikoa sustatuz. Horrez gain, helburuen artean ditu, baita ere, energiaren ekoizpena deszentralizatzea eta jasangarritasun energetikoaren inguruan gizartea informatzea eta prestatzea.

Nola bermatu energia berdea izatea?[aldatu | aldatu iturburu kodea]

GoiEnerreko bazkideek kontsumitzen duten energia elektrikoa berriztagarria dela bermatzeko, elektrizitatea merkatuan erosten duenean, energia berriztagarria soilik ekoiztearen berme-ziurtagariak (JBZ) lortzen ditu elkarteak. Erositako elektrizitatearen % 100ek jatorri berriztagarria izan behar du; beraz, kantitate horren adinako JBZ agiri eskuratzen ditu. Horrez gain, energia-sorkuntzarako instalazio txikiak (fotovoltaikoa, biomasa, biogasa eta eolikoa) bultzatzen ditu, horrela, etorkizunean bazkide guztien energia-eskaria autohornitzeko asmoz.

Energiaren banaketarako, GoiEnerrek sare elektrikoa konbentzionala erabiltzen du dagokion ordainsaria ordainduz.

GoiEner 2012-2017[aldatu | aldatu iturburu kodea]

Bi mila eta hamabigarren urtearen amaieran sortu zen GoiEner Gipuzkoan, eta "Euskadiko Kooperatiben Erregistroan" sartu zen. Haiseratik, elkarlana bultzatu du beste elkarte batzuekin, eta atxikimendu ugari lortu ditu: udaletxeak, Ner Group, Gipuzkoako Foru Aldundia, Udalbiltza, Argia, HUHEZI...

Urtez urte indarra hartuz joan da elkartea. Bere ibilbidean, estatuko "Union de Cooperativas Eléctricas de Energias Renovables" eragilearen bultzatzaile nagusia izan zen 2016an eta Europako zenbait topaketetan parte hartu du 2017an.

Gaur egun, hamar mila eta laurehun bazkide ditu[1]. Bazkideak honelaxe daude banatuta lurraldearen arabera:

Sorkuntza proiektuak[aldatu | aldatu iturburu kodea]

2018ko ekainean 100 % jatorri berriztagarriko argindar sorkuntza proiektu propioak abian jartzeko bazkideen artean dirua biltzen hasi zen kooperatiba, Sorkwhtza izeneko ekimenarekin. Goiener Taldeak sorkuntza proiektu horiek aurrera ateratzeko 2015ean sortutako Nafarkoop kooperatiba baliatu zuen. Ekimen honetako lehen proiektuak izan ziren: Hernaniko Fagollaga zentral hidraulikoaren erosketa eta iparraldeko I-Ener kooperatibaren instalazio fotovoltaikoak finantzatzea.[2] Gero etorriko zen Oñatiko Ur Jauziak erakundeko bazkide bihurtzea % 10eko parte hartzearekin.[3]

Erreferentziak[aldatu | aldatu iturburu kodea]

  1.   «Bazkide mapa» Goiener . Noiz kontsultatua: 2018-06-30 .
  2.   «Berriztagarriak sortzera goaz bazkideen laguntzarekin» Goiener . Noiz kontsultatua: 2018-06-30 .
  3.   «Azken jauzia» Argia . Noiz kontsultatua: 2019-07-09 .

Kanpo loturak[aldatu | aldatu iturburu kodea]