Helldivers
| Helldivers | |
|---|---|
| Jatorria | |
| Argitaratze-data | 2015 |
| Argitaletxea | Sony Interactive Entertainment eta PlayStation Mobile, Inc. (en)  |
| Banatze bidea | banaketa digital |
| Ezaugarriak | |
| Genero artistikoa | shoot 'em up (en) |
| Hizkuntza | ingelesa, frantsesa, italiera, alemana, gaztelania, japoniera, errusiera, suediera, daniera, finlandiera, norvegiera, poloniera, portugesa, Brasilgo portugesa, txinera tradizionala, nederlandera, koreera, Txinera sinplifikatua eta Latin American Spanish (en) |
| Joko-modua | Jokalari anitzeko modua, bakarka jokatzeko modua eta lankidetzan jokatzeko modua |
| Euskarria | PlayStation 4 eta Microsoft Windows |
| Adin-sailkapena |   |
| Telesaila | Helldivers (en) |
| Software motorea | Bitsquid (en) |
| Ekoizpena | |
| Garatzailea | Arrowhead Game Studios (en) |
| Fikzio-unibertsoa | Helldivers universe (en) |
| arrowheadgamestudios.com | |
Helldivers 2015ko goitiko ikuskera darabilen tirokatze bideojokoa da, Arrowhead Game Studios-ek garatua eta Sony Computer Entertainment-ek argitaratua[1]. Jokoa 2015eko martxoan merkaturatu zen PlayStation 3, PlayStation 4 eta PlayStation Vita (joko gurutzatuarekin) kontsoletan.[2] Windows-erako bertsio bat ere argitaratu zen 2015eko abenduaren 7an.
Helldivers-ek kritikarien iruzkin positiboak jaso zituen, eta 4 milioi unitate baino gehiago saldu zituen 2024ko maiatzerako. Helldivers 2, bideojokoaren jarraipena, 2023ko maiatzean iragarri zen, eta 2024ko otsailaren 8an argitaratu zen.
Jostagarritasuna[aldatu | aldatu iturburu kodea]
Helldivers-en, jokalariak borroka kaotikoan ekintzak koordinatu behar ditu, helburuak betetzeko eta arerioek zein adiskideek egindako erasoak saihesteko.[3] Jokoan jokalariak etsaiak diren hiru espezieren aurka jartzen dira, gizakien Super Lurraren biziraupena bermatzeko. Jokalariek prozeduralki sortutako misioetan parte hartzen dute, bertan, jokalariek helburu batzuk bete behar dituzte. Misio bakoitzaren hasieran, jokalariek midora eramango dituzten objektuak aukeratuko dituzte (arma-sortak, ekipamenduak eta bestelako onurak) eta misio hasteko hasierako kokapena dezakete. Jokoaren estratagemen mekanika ere erabil dezakete beren garaipen aukerak hobetzeko, maparen diseinua edo norberaren joko-estiloa kontuan hartuta. Adibidez, jokalariak aukera ditzake potentzia gehigarria edo mugikortasuna ematen duten estratagemak, edo bere buruari laguntzeko trebetasunak eman diezazkioke, hala nola aire-eraso zehatzak deitzea.
Jokalariak planeta zaila edo erraza hauta dezake bere eginkizunetarako. Planetan bakoitzaren barruan misio desberdinak egongo dira.
Misio bakoitzean, jokalariak etsaiak kontrolatutako lurraldean zehar isilik ibili edo borroka egin behar du, ezarritako helburuak betetzeko, eta, ondoren, Bidaliko dioten aireontzi bat erabilita ihes egin behar du. Eskatutako helburu batzuetan porrot egin daiteke, berehala misioa galdu gabe. Askotan, jokalariari mesede egiten dio, ahal izanez gero zuzeneko borroka saihesteko, etsaiek errefortzu amaiezinak baitituzte, eta ez dago saririk etsaiak hiltzeagatik.
Jokoak generoan ohikoak diren mekanika asko mantentzen ditu, hala nola Gudako Behelainoa eta jokalariak unean ikus ditzakeen etsaiak erakusten ditu mapan. Etsaiak bere lurraldea patruilatuko du, eta jokalariari ezarritako helburuak bete ez daitezen. Jokalariekin topo egiten duten etsaiak alarma pizten saiatuko dira, eta horrek etengabeko errefortzu-olatuak eragingo ditu, alarma aktibo dagoen bitartean. Jokalariak alarma saihestu dezake, ahal izanez gero patruila etsaiak saihestuz, eta isilarazi dezake, jokalariaz unean kontziente diren etsai guztiak garaituz edo eremutik ihes eginez.
Misioaren helburu guztiak arrakastaz bete direnean edo porrot egin dutenean, jokalariak aireontzi bat deitu behar du, eta gainerako soldadu guztiekin ihes egin. Honek 90 segundo eskatzen ditu eta lurreratze-gunera arerioen arreta erakarriko da, borroka gogorrak sorraraziz. Aireontzian sartzeak misioa amaitutzat ematen du.
Multijokalaria[aldatu | aldatu iturburu kodea]
Lagunarteko sua beti dago aktibatuta. Hor sartzen dira jokalarien arma pertsonalak, bai eta hain zuzenak ez diren beste iturri batzuk ere, hala nola aire-erasoak eta ezarritako dorretxoen erasoak. Hornidura-bidalketen kapsulek edo ibilgailu-bidalketek ere aliatuak zapal ditzakete. Horretarako, jokalariek arretaz planifikatu behar dituzte beren ekintzak jokoaren borroka une kaotiko askotan, edo prebentzio-neurriak hartu behar dituzte arrisku horiek arintzeko. Aukera horien artean daude eraso dorretxoak hobetzea, jokalariak jomugan sartzen direnean tiro egiteari uzteko, edo aliatuen gainetik tiro egiten duten armak aukeratzea. [beharrezko hitzordua]
Abantaila nabarmenak dauzka multijokalariak, taldekideek lagundu egin baitiezaiokete eraitsitako aliatu bati, eta sendatzea edo munizioa eman baitiezaiokete. Arma astun batzuk motxila batekin datoz. Motxila horri esker, bigarren jokalari batek bakakrka baino azkarrago kargatzen lagundu dezake, eta baliabide batzuk taldekideen artean partekatu daitezke. Online bidezko multijokalarian, zilegi da ausazko jokalariei misio baterako sarbidea ematea. [beharrezko hitzordua]
Argumentua[aldatu | aldatu iturburu kodea]
Helldivers-en unibertso distopikoan "demokrazia kudeatu" batek gobernatzen du gizateria. Demokrazia garaikidearen aldaera horrek hauteskundeen emaitza aurresangarriagoa du. Gobernu bat aukeratzeko modu bat baino zerbait gehiago bihurtu da pseudodemokrazia, eta Super Lurreko biztanleek esan nahi duena erabat ulertu gabe borrokatzen duten kredoa bihurtu da aginte mota hau.
Super Lurra, fikziozko Lur futurista, hiru etsaiz inguratuta (Zomorroak, Cyborgak eta Illuminatuak) dago, eta, gobernuaren arabera, modu batera edo bestera menperatu dira. Eta Helldiverrak borroka-soldadu hutsak diren arren, askotan teknologia eskuratzeaz, petrolio-ponpak aktibatzeaz edo gobernuak garrantzitsutzat jotzen duen beste jarduera batzuez arduratzen dira, Super Lurraren askatasuna eta "bizimodua" babesteko.
Salmentak[aldatu | aldatu iturburu kodea]
Helldivers-ek 4 milioi unitate baino gehiago saldu zituen 2024ko maiatzaren 22a baino lehen.[4]
Segida[aldatu | aldatu iturburu kodea]
2023ko maiatzean, Arrowhead Game Studios-ek eta Sony Interactive Entertainment-ek Helldivers 2 izeneko jarraipena iragarri zuten. Lehen jokoan ez bezala, jarraipena ez da goitik beherako tirokatze jokoa, hirugarren pertsonako tirokatze jokoa baizik. Jokoa PlayStation 5 eta Windowsentzat atera zen 2024ko otsailaren 8an.[5]
Erreferentziak[aldatu | aldatu iturburu kodea]
- ↑ Gamerauntsia. «Helldivers» gamerauntsia.eus (Noiz kontsultatua: 2024-06-15).
- ↑ Farokhmanesh, Megan. (August 20, 2013). «Magicka devs launching Helldivers for PS3, PS4, PS Vita and PC» Polygon (Vox Media).
- ↑ Cook, Dave. (August 20, 2013). «Helldivers coming to PS3, PS4 and PS Vita, with cross-play over all formats» VG247 (Gamer Network).
- ↑ Arrowhead Games: "We want to be the next From Software or Blizzard". .
- ↑ Stedman, Alex. (September 14, 2023). Helldivers 2 Gets a 2024 Release Date and New Look at Gameplay. .
