Ixiar Rozas

Ixiar Rozas
	; Irudi gehiago
Bizitza
Jaiotzako izen-deiturak	Ixiar Rozas Elizalde
Jaiotza	Lasarte-Oria, 1972ko urtarrilaren 19a (54 urte)
Herrialdea	Gipuzkoa, Euskal Herria
Hezkuntza
Heziketa	Bartzelonako Unibertsitate Autonomoa
Hizkuntzak	euskara; gaztelania
Jarduerak
Jarduerak	idazlea, antzerkigilea eta katedraduna
	Parte-hartzailea Tabakalera ;

Ixiar Rozas Elizalde (Lasarte-Oria, Gipuzkoa, 1972ko urtarrilaren 19a) euskal idazlea da. Arte Ederretan doktorea (UPV-EHU), egun, Arte Hezkuntzako irakaslea da Euskal Herriko Unibertsitatean. Azala espazioko lantaldeko eta Zirriborroak eta gero proiektuaren kidea izan da.

Bere testuak, saiakerak eta artikuluak hainbat hizkuntza eta herrialdetan (Mexikon, Italian, Eslovenian, Erresuma Batuan, AEBetan, Portugalen eta Errusian, besteak beste) argitaratu dira.^[1] Horietako batzuk aipatze arren: Negutegia (2006), Beltzuria (2014) edo Ejercicios de ocupación. Arte, vida y trabajo (2015).

Sortzaile garaikideei eskainitako Humano caracol (2006-2009) dokumentalaren egilea ere bada.

Kultur langile bezala, mintegiak, lantegiak eta hitzaldiak antolatu izan ditu; besteak beste, Drafting Interior Techniques (Azkuna Zentroa, 2020), Erresonantzian (2011), Arrakalatuta (2014-2015) edota Proklama (2014-2016). Periferiak topaketen fundatzaile-kidea eta zuzendari-artistiko-kidea ere izan da. Italian eta Euskal Herrian (2002-2007) antolatutako topaketa horiek, pentsamendu kritikoaren eta jarduera artistikoen arteko topaketak izan ziren. Testuinguru horretan, Begiradak. Miradas y memorias desde el margen. Glances and memories from the fringes (KMK-Periferike, 2006), liburuaren editorea da Rozas.

Batik bat, idazle gisa egindako ibilbideagatik da ezaguna, baina urte batzuk daramatza ahotsa, gorputza eta lengoaiaren artean dagoen espazioa modu teorikoan eta praktikoan ikertzen.^[2]

Diziplina anitzeko sortzailea izanik, honako koreografo, egile eta artistekin lankidetzan aritu izan da, besteak beste: Idoia Zabaleta (Gasteiz), Filipa Francisco (Portugal), Estela Lloves (Vigo/Berlin), Elena Albert (Bartzelona), German Jauregi (Brusela/Bilbo), Maria Muñoz eta Pep Ramis (Girona), Maite Arroitajauregi (Eibar), Maider Lopez (Donostia), Paco Toledo (Bartzelona/Chile), José Luis Gallero (Madril), Mireia Sentis (New York/Madril), etab.^[1]

Lanak

Nobela

Edo zu edo ni (2000, Erein)
Negutegia (2006, Pamiela)
Beltzuria (2014, Pamiela)^[3]
Narrugorrik (2025, Consonni)

Narrazioa

Korronteak (2001, Kutxa)
Sartu, korrontea dabil (2001, Erein)

Poesia

Patio bat bi itsasoen artean (2001, Arabako Foru Aldundia)
Unisonoa (2020, Pamiela)^[4]
Narrugorrik (2025, Consonni)

Saiakera

Sonar la voz. 9 ensayos y 9 partituras (2022, Consonni)

Edizioa

Zirriborroak eta gero/ Borradores del futuro (2024, Consonni)
Ejercicios de ocupación. Afectos, vida y trabajo. (2015, Mercat de las Flors, Poligrafa)
4 itinerarios y otras fotos. (2009, L´animal a l´esquena)
Begiradak. Glances and memories from the fringes. (2005, GFA, Arteleku)

Telebistarako

Gidoilari moduan, hainbat telesailetan lan egin du, hala nola, Benta Berri (ETB), Compañeros (Antena 3) edota Teilatupean (ETB) izenekoetan.^[5]

Sariak

2001ean, Arabako Foru Aldundiaren Ernestina de Champourcin olerki lehiaketa irabazi zuen, Patio bat bi itsasoen artean lanarengatik.^[5]
2001ean, Donostia Hiria ipuin lehiaketa irabazi zuen, Korronteak izeneko kontakizunari esker.^[5]

Nazioarteko ibilbidea

2003 Chateau Lavingy writers residerncy (Suiza) https://www.chateaudelavigny.ch/writers-residence
2005 Art OMI writers (USA) https://artomi.org/residencies/writers/
2006 Sites of Imagination, Beirut, Girona, Marsella, Lisboa, Cagliari, Lubljana.
2017 - Suediako Goteborgeko Liburu Azokan (Göteborg Bokmässan) Beltzuria bere lanaren aurkezpena.^[6]
2023 Meet me at the lighthouse jaialdia (Schiermonnikoog uhartea, Frisia, Herbehereak).

Erreferentziak

↑ ^a ^b «Ixiar Rozas Elizalde» Euskal Idazleen Elkartea (kontsulta data: 2017-11-23).
↑ «Ixiar Rozas | Tabakalera» www.tabakalera.eus (kontsulta data: 2024-10-17).
↑ Gorka Erostarbe, «Kezkagarria da gazteek gero eta gutxiago erabiltzea hitza», Berria, 2014-12-31
↑ Irizar, Itziar Ugarte. ««Tentsioa dakarten lanak falta dira»» Berria (kontsulta data: 2020-10-25).
↑ ^a ^b ^c «Rozas Elizalde, Ixiar» Auñamendi Eusko Entziklopedia (kontsulta data: 2017-11-23).
↑ «Ixiar Rozas euskal idazlea Göteborgeko Liburu Azokan izango da egunotan» Etxepare Euskal Institutua 2017-09-27 (kontsulta data: 2017-11-23).

Kanpo estekak

«Ixiar Rozas», Literaturaren Zubitegian.
«Rozas, Ixiar», basqueliterature.com webgunean.

Datuak: Q12259946
Multimedia: Ixiar Rozas / Q12259946

[:1-1] «Ixiar Rozas Elizalde» Euskal Idazleen Elkartea (kontsulta data: 2017-11-23).

[2] «Ixiar Rozas | Tabakalera» www.tabakalera.eus (kontsulta data: 2024-10-17).

[3] Gorka Erostarbe, «Kezkagarria da gazteek gero eta gutxiago erabiltzea hitza», Berria, 2014-12-31

[4] Irizar, Itziar Ugarte. ««Tentsioa dakarten lanak falta dira»» Berria (kontsulta data: 2020-10-25).

[:0-5] «Rozas Elizalde, Ixiar» Auñamendi Eusko Entziklopedia (kontsulta data: 2017-11-23).

[6] «Ixiar Rozas euskal idazlea Göteborgeko Liburu Azokan izango da egunotan» Etxepare Euskal Institutua 2017-09-27 (kontsulta data: 2017-11-23).

[1]

[2]

[3]

[4]

[5]

[6]