Javier Maroto

Wikipedia, Entziklopedia askea
Jump to navigation Jump to search
Javier Maroto
Javier Maroto Aranzabal 2.JPG
Espainiako Diputatuen Kongresuko diputatua

2016ko urriak 18 -
Alfonso Alonso
Barrutia: Araba
Hautaketa: 2016ko Espainiako hauteskunde orokorrak
Eusko legebiltzarkidea

2012ko azaroak 20 - 2015eko ekainak 30
Barrutia: Araba
Gasteizko alkate

2011ko ekainak 11 - 2015eko ekainak 13
Patxi Lazcoz - Gorka Urtaran
zinegotzi

1999ko uztailak 4 - 2016ko urriak 17
Bizitza
Jaiotza Gasteiz1972ko urtarrilaren 6a (46 urte)
Herrialdea  Araba, Euskal Herria
Hezkuntza
Heziketa Deustuko Unibertsitatea
Hizkuntzak gaztelania
Jarduerak
Jarduerak politikaria eta ekonomialaria
Sinesmenak eta ideologia
Alderdi politikoa Alderdi Popularra

Javier Ignacio Maroto Aranzabal (Gasteiz, 1972ko urtarrilaren 6a) Euskadiko Alderdi Popularreko politikaria da. Gasteizko alkatea izan zen 2011ko ekainaren 11tik 2015eko ekainaren 13 arte.

Biografia[aldatu | aldatu iturburu kodea]

Gaztaroa[aldatu | aldatu iturburu kodea]

Ekonomia eta enpresa zientzietan lizentziaduna da Deustuko Unibertsitatetik.

Ibilbide politikoa[aldatu | aldatu iturburu kodea]

Espainiako Alderdi Popularraren Nuevas Generaciones ("Belaunaldi Berriak") taldeko kidea izan zen gaztetan. 1999an PPk Gasteizko udalerako aurkeztu zuen hautagaitzan sartu zen eta, PPk hauteskundeak irabazi ondoren, urte horretatik 2007ra alkateorde izan zen. 2012ko Eusko Legebiltzarrerako hauteskundeetan legebiltzarkidea izatea lortu zuen. 2011ko ekainaren 11n alkatetzan hasi zen, 2015eko ekainaren 13 arte. 2015eko ekaineko hauteskundeetan garaile atera zen berriro 2011ko emaitzak hobetuz, baina gainerako alderdiekin hitzarmenik lortu ezinik, EAJko Gorka Urtaran aukeratu zuten alkate, PSErekin ituna egin eta EH Bilduk Maroto kanporatzeko berariaz emandako babesari esker.[1] Ia berehala, 2015eko ekainaren 18an, Mariano Rajoyk, bere alderdiko presidenteak, Alderdi Popularreko sektoreko idazkariorde izendatu zuen. Honen ostean, Eusko Legebiltzarra utzi zuen baina Gasteizko Udalean zinegotzigoa mantendu zuen 2016ko urrira arte[2].

San Antonio kasuaren epaiketa[aldatu | aldatu iturburu kodea]

2016ko maiatzean, Estatuaren Kontuen Auzitegiak Maroto kondenatu zuen udalaren diruzaintzari kalte publikoa eragin ziolakoan: alkatetzak 7,6 milioi ordaindu zituen lokal baten 20 urteko alokairuaren truke, urtebete lehenago jabe onuradunak 2,6 milioiren truke erosi zuenean. Hala ere, Maroto eta Alonso PPko ordezkariek helegitea jarri zuten epaiaren kontra, eta Kontuen Epaitegiak, oraingoan (2016ko abendua), errugabe jo zituen, administrazioko eragileek erabakiak beren gogara hartzeko duten askatasuna ('diskrezionalitate administratiboa') onartuz.[3]

Immigrazioaren auzia[aldatu | aldatu iturburu kodea]

2014ko uztailean, Gasteizko alkatea zela, adierazi zuen "hirian dauden nazionalitate batzuek ez dute[la] lan egin edo integratzeko gogorik, eta diru-laguntzetatik bizi dira batez ere", eta 'eskandalutzat' jo zuen bereziki Euskal Autonomia Erkidegora heldutako magrebtarren eta marokoarren kasua. Are, gaineratu zuen desberdinak zirela latinoamerikarrak, "haien helburua hurrengo belaunaldia gu bezalakoa izatea baita".[4] Horregatik, kritika gogorrak jaso zituen beste alderdi, Ararteko eta SOS Arrazakeriarengandik, 'xenofobia' eta eskuin muturrera lerratzea leporatuta. Lanbidek diru-laguntzei buruz plazaratutako datuek Marotoren adierazpenak gezurtatu zituzten.[5]

Europara heldutako errefuxiatuen gaian ere izan du antzeko polemikarik: 2015eko irailean adierazi zuen Europara heldutako siriar iheslarien artean 'jihadista asko' daudela, geroago adierazpenok goxatu zituen arren, adieraziz "burokraziak eta estatistikak ezin dute[la] Europaren bihotza hil".[6]

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]