Mariano Rajoy

Wikipedia, Entziklopedia askea
Hona jauzi: nabigazioa, Bilatu
Mariano Rajoy Brey
Mariano Rajoy

Karguan
2011(e)tik
Monarka Joan Karlos I.a (2011-2014)
Filipe VI.a (2014-)
Aurrekoa José Luis Rodríguez Zapatero

Escudo de España (mazonado).svg
Espainiako 13. presidenteordea
2000 – 2003
Presidentea José María Aznar
Aurrekoa Francisco Álvarez-Cascos
Ondorengoa Rodrigo Rato

2002 – 2003
Presidentea Jose María Aznar
Aurrekoa Juan José Lucas
Ondorengoa Javier Arenas

1999 – 2000
Presidentea José María Aznar
Aurrekoa Esperanza Aguirre
Ondorengoa Pilar del Castillo

2001 – 2002
Presidentea José María Aznar
Aurrekoa Jaime Mayor Oreja
Ondorengoa Ángel Acebes

Jaiotza 1955eko martxoaren 27a (62 urte)
Santiago de Compostela, Galizia
Alderdi Politikoa PP
Ezkontidea(k) Elvira Fernández
Lanbidea jabetzaren erregistratzailea
Erlijioa katolikoa

Mariano Rajoy Brey (Santiago de Compostela, Coruña, 1955eko martxoaren 27a) espainiar politikaria da. Espainiako Gobernuko presidentea da 2011ko abenduaren 21etik, zazpi urtez Kongresuan oposizioaren buru izan ondoren.

Bizitza[aldatu | aldatu iturburu kodea]

Alianza Popularraren hautagai izan zen 1981eko Galiziako hauteskundeetan, bai eta eserlekua lortu ere. 1988an, alderdiaren Galiziako adarraren buru izendatu zuten. 1989an, alderdiak izena aldatutakoan, estatuko politikara egin zuen jauzia.

Alderdi Popularrak Espainiako 1996ko hauteskundeak irabazi ondoren, administrazio publikoen ministro izendatu zuten. 1999 eta 2000 artean kultura ministroa izan zen. 2000ko Espainiako hauteskunde orokorrek alderdiari gehiengo osoa ekarri ziotenean, Rajoy presidenteordea eta gobernazioaren ministroa izendatu zuten. 2001ean barne ministro izendatu zuten baina 2002an berriz ere gobernazioaren ministerioaz arduratu zen. Gobernuaren bozeramale izendatu zuten halaber.

2003an, 2004ko Espainiako hauteskunde orokorretarako Alderdi Popularraren hautagaia izendatu zuten, eta kargu guztiak utzi zituen. 2004ko hauteskunde haiek galdu zituen, eta 2004az geroztik oposizioaren burua izan zen. 2008koak ere ez zituen irabazi, Alderdi Popularra bigarren indarra izan baitzen, PSOEren ondoren.

2011ko Espainiako hauteskunde orokorrak gehiengo osoz irabazi zituen, eta Espainiako presidente bilakatu zen.[1] 2015eko Espainiako hauteskunde orokorrak ere Rajoy buru zuen Alderdi Popularreko zerrendak irabazi zituen, baina gehiengo osorik gabe; ezein alderdik ez zuen Gobernua eratzerik lortu, eta horren ondorioz 2016an automatikoki Espainiako Gorteak desegin ziren. Espainiako trantsizioaz geroztik izan den legealdirik motzena izan zen. Bien bitartean, Rajoyk Espainiako jarduneko lehendakari izaten jarraituz zuen. 2016ko ekainaren 26an, 2016ko Espainiako hauteskunde orokorrak ere gehiengo soilez irabazi zituen Rajoy buru zuen Alderdi Popularreko zerrendak; eta urriaren 29an, Ciudadanos, Nafar Herriaren Batasuna, Kanariar Koalizioa eta Asturias Foroa alderdien babesarekin, Rajoy Espainiako lehendakari karguan berretsi zuten.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Mariano Rajoy Aldatu lotura Wikidatan