Jean Giraud

Jean Giraud
	; Irudi gehiago
Bizitza
Jaiotzako izen-deiturak	Jean Henri Gaston Giraud
Jaiotza	Nogent-sur-Marne, 1938ko maiatzaren 8a
Herrialdea	Frantzia
Heriotza	Montrouge, 2012ko martxoaren 10a (73 urte)
Hobiratze lekua	Montparnasseko hilerria
Heriotza modua	berezko heriotza: linfoma
Familia
Seme-alabak	ikusi Hélène Giraud (en) ;
Hezkuntza
Heziketa	École Duperré (en)
Hizkuntzak	frantsesa
Jarduerak
Jarduerak	karikaturagilea, komiki gidoilaria, gidoilaria, zientzia-fikzio idazlea, posta zigilu diseinatzailea, margolaria, penciller (en) , ilustratzailea, marrazkilaria eta komikigilea
Enplegatzailea(k)	Spirou (en) ; Hachette Livre ; Les Humanoïdes Associés (en) ; Novedi (en) ; Le Lombard (en) ; Alpen Publishers (en) ; Dupuis ; Casterman (en) ; Marvel Comics ; Pilote ; Dargaud ; Fluide Glacial (en) ; Métal hurlant (en) ; L'Écho des savanes (en) ; Mœbius Productions (en)
Lan nabarmenak	ikusi Arzach (en) ; Le garage hermetique; Blueberry; L'Incal; Le Monde d'Edena (en) ; Q3236227 ; The Long Tomorrow (en) ;
Jasotako sariak	ikusi Merezimenduaren Ordena Nazionaleko Zalduna (2011ko maiatzaren 13a) ; Arte eta letren komendadorea ; Grand Prix de l'Imaginaire ; Grand prix de la ville d'Angoulême (1981) ; Yellow Kid Award (1999) ; Science Fiction and Fantasy Hall of Fame (2011) ; Sproing Award (2000) ; Arte eta Letren zalduna (ezezaguna) ; Inkpot Award (1986) ; Will Eisner Hall of Fame (1998) ; Jack Kirby Hall of Fame (1997) ; Best foreign work published in Spain (2012) : Arzach (en) ;
Influentziak	Jean-Paul Appel-Guéry (en)
Izengoitia(k)	Gir eta Mœbius
Genero artistikoa	Westerna; komikia; zientzia-fikzioa
	moebius.fr

Jean Henri Gaston Giraud, ezizenaz Moebius (1938ko maiatzaren 8a, Paris – 2012ko martxoaren 10a, Paris) frantziar komikigile bat izan zen. Blueberry da haren pertsonaiarik ezagunena, eta beste hainbat komiki ere sortu izan du, horien artean Le garage hermetique. Halaber, beste arlo batzuetan lan egin izan du, hala nola zineman eta bideo-jokoetan. Frantsesez argitaratu izan du nagusiki, baina ingelesez ere lan batzuk kaleratu ditu.

Bizitza[aldatu | aldatu iturburu kodea]

Txikitatik erakutsi zuen marrazkilaritzarako zaletasuna, eta 1954. urtean Parisko Arte Aplikatuetako Eskolan sartu zen. Handik bi urtera egin zituen bere lehenengo lan profesionalak, Parisko agerkarietan, eta lan haiekin erakarri zuen Jijé belgikar gidoigilearen arreta. Soldadutzatik itzuli ondoren Jijéren estudioan sartu zen, laguntzaile.

1963an aldaketa handia gertatu zen Girauden bizitzan, Fort Navajo marrazteko enkargua egin baitzioten. Jean-Michel Charlierrena zen gidoia, eta harekin eman zion hasiera Blueberry teniente ospetsuaren kontakizun sailari. Arrakasta handia izan zuen istorioak, eta hainbat hizkuntzatara itzuli zen; haren sortzailea hil ondoren ere, Giraudek eman zion jarraipena sailari. Garai hartan hartu zuen Moebius ezizena, eta Hara Kiri aldizkarian hasi zen lanak argitaratzen. Giraud izenez sinatu zuen Blueberryren saila, eta Moebius ezizenaz bere gustuari jarraituz eta belgikar egileen eraginpean egindako lanak.

Arrakasta handia lortu zuen Pilote eta L´Echo des Savanes aldizkarietan egindako lanekin, eta 1975ean Humanoide Elkartuak taldea sortu zuen, Philippe Druillet, Bernard Farkas eta Jean-Pierre Dionnetekin; talde hark sortu zuen 1970eko hamarraldiko agerkari ospetsuenetako bat, Métal Hurlant, Ameriketan Heavy Metal izenaz argitaratua. Agerkari hartan argitaratu zituen Arzach, Garaje hermetikoa eta Agur luzea.

Ridley Scotten Alien, zortzigarren bidaiaria filmerako zenbait marrazki egin zituen, eta 1980an zientzia fikziozko beste abentura bateko marrazkiak egin zituen, estetizismoaren joerari jarraituz. Estilo horretan egin zituen Starwatcher edo Venecia Celeste lamina bilduma bikainak, esaterako. Animazioko zenbait filmetan parte hartu du, arrakasta handiz, baina sekula ez du alde batera utzi komikietako marrazkigile lana.

Lan hautatuak[aldatu | aldatu iturburu kodea]

Jean Giraud izenpeaz[aldatu | aldatu iturburu kodea]

Blueberry (29 liburuki, 1965-2007).
Jim Cutlass (7 liburuki, 1979-1999).
XIII (18. liburukia, La Version irlandaise 2007an).
Marshall Blueberry (3 liburuki, 2000).

Moebius izenpeaz[aldatu | aldatu iturburu kodea]

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/28 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.