Jean Jaurgain

Wikipedia, Entziklopedia askea
Jean Jaurgain
Jean de Jaurgain.jpg
Bizitza
Jaiotza Ozaze-Zühara1842ko azaroaren 16a
Herrialdea  Zuberoa, Euskal Herria
Heriotza Ziburu1920ko martxoaren 18a (77 urte)
Hezkuntza
Hizkuntzak euskara
frantsesa
Jarduerak
Jarduerak kazetaria, historialaria eta literatura-kritikaria
Kidetza Eskualzaleen Biltzarra
Zerbitzu militarra
Parte hartutako gatazkak Frantzia-Prusia Gerra

Jean Jaurgain (Ozaze-Zühara, Zuberoa, 1842ko azaroaren 16a - Ziburu, Lapurdi, 1920ko martxoaren 18a) zuberotar historialari eta literatura-kritikaria izan zen. Zazpiak Bat armarria sortu zuen 1897an, urte hartara arte zazpi probintzietako armarriak bata bestearen ondoan ipintzen baitziren lehen aldiz eta Arturo Kanpionen «Zazpiak bat» lema gehitu zion[1].

Familia zuberotar noblekoa zen, baina bere gurasoek saldu egin behar izan zuten Ozazeko etxondoa, zorregantik, eta noblezia titulua ere galdu zuten[1].

Frantzia-Prusia Gerran parte hartu zuen. Hirugarren Karlistaldia zela eta, Nafarroara jo zuen Parisko kazeta garrantzitsu batentzat berriketari-lanak egitera.

Iruñean egon zen bitartean (1885, 1886, 1891), hango artxiboak miatu zituen. Historia eta heraldika-gaietan jakintza handiko gizona izatera iritsi zen.

La Gazette de France, RIEV, BSB, Revue de Gascogne eta Revue des Études Anciennes aldizkarietan eman zituen argitara historiari buruzko lanak.

Frantsesez idatzi bazuen ere, Jean Louis Davant historialariak uste du euskaraz ondo zekiela, egin zitune ikerketak oinarri hartuta (besteak beste euskarazko lan literarioen kritikak: Joanes Leizarragaren, Bernart Etxepareren eta Allande Oihenarten olerkiena eta Joan Tartas apezaren lanarena).[1]

Euskaltzaleen Biltzarra erakundeko lehendakari izan zen.

Erreferentziak[aldatu | aldatu iturburu kodea]

  1. a b c Madariaga, Ainize. (2020-10-10). «Jaurgain, berriz taula gainera» Berria.