José Alcina Franch

Wikipedia, Entziklopedia askea
Jump to navigation Jump to search
José Alcina Franch
Bizitza
Jaiotza Valentzia1922ko abuztuaren  23a
Herrialdea  Espainia
Heriotza Madril2001eko urriaren  28a (79 urte)
Hezkuntza
Heziketa Valentziako Unibertsitatea
Hizkuntzak gaztelania
Jarduerak
Jarduerak antropologoa, arkeologoa, full professorra Itzuli eta historialaria
Enplegatzailea(k) Madrilgo Complutense Unibertsitatea

José Alcina Franch (Valentzia, 1922ko abuztuaren 23a - Madril, Espainia, 2001eko urriaren 28a) espainiar antropologo, historialari eta arkeologoa izan zen. Gizonik adituenetako bat izan zen Ameriketako aldi hispaniarraren aurreko ikerketan.

Biografia[aldatu | aldatu iturburu kodea]

Valentziako Unibertsitatean egin zituen ikasketak, eta bertako irakasle laguntzaile izan zen. Geroago, Madrilgo Unibertsitatean, Parisen eta Mexikon sakondu zituen ikasketak. Madrilgo Unibertsitatean irakasle, eta Sevillakoan eta Madrilgoan katedradun. Madrilgo Unibertsitateko Antropologia eta Etnologiako sailaren Revista Española de Antropologia Americana aldizkariaren bitartez, arkeologiaren ikuspegi berritzailea azaldu zuen Alcinak, zientzian eta herrien bilakaeran eta historian oinarriturik.

1960 eta 1980ko hamarkaden artean, hainbat arkeologia-indusketetan parte hartu zuen Perun, Ekuadorren, Guatemalan eta Mexikon. Erakunde garrantzitsuen omenaldi eta sariak ez ezik, Amerika eta Europako hainbat herrialdetako sari handienak ere bereganatu zituen. Bere herrian Ameriketako arkeologia eta antropologiako ikerketen bultzatzaile izanik, hango hispaniar aurreko artea ekialdeko eta mendebaldeko zibilizazio handienen parean jartzen arduratu zen Alcina. Sinposium, biltzar eta erakusketa ugari antolatu zituen, besteak beste 1992an Madrilgo Arkeologia Museo Nazionalean Antzinako Mexikoko kultura aztekari eskainitako erakusketa gogoangarria. Bibliografia zabala du.

Obra ezagunenak[aldatu | aldatu iturburu kodea]

  • Floresta literaria de la América indígena (1957)
  • Fuentes indígenas de México (1956)
  • Manual de arqueología americana (1965)
  • Origen transatlántico de la cultura indígena de América (1969)
  • Arqueología antropológica en España (1975)
  • L'Art Précolombien (1978)
  • Arte y Antropología (1982)

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]