José Hernández

José Hernández
	; Irudi gehiago
Bizitza
Jaiotzako izen-deiturak	José Rafael Hernández
Jaiotza	San Andrés de Giles (en) eta Tanger, 1834ko azaroaren 10a
Herrialdea	Argentina
Heriotza	Belgrano (Buenos Aires), 1886ko urriaren 21a (51 urte)
Hobiratze lekua	La Recoleta hilerria
Hezkuntza
Hizkuntzak	gaztelania
Jarduerak
Jarduerak	idazlea, kazetaria, poeta, politikaria eta militarra
Lan nabarmenak	ikusi La paja de Martín Fierro (en) ;
Genero artistikoa	gaucho literature (en)
Sinesmenak eta ideologia
Alderdi politikoa	National Autonomist Party (en)

José Rafael Hernández y Pueyrredón (Chacras de Perdriel, Argentinako Konfederazioa, 1834ko azaroaren 10 – Buenos Aires, 1886ko urriaren 21) argentinar olerkari, politikari eta kazetaria izan zen.

Bizitza

Txikitan biriketako eritasun batek jo zuenez, panpa aldean bizi behar izan zuen zenbait urtez eta bertatik ezagutu zuen gautxoen bizitza gogorra. 1852tik aurrera, bere herrialdeko gatazka politikoetan esku hartu zuen, zentralismoaren aurka, zenbaitetan armak aldean zituela. 1871ean Brasila erbesteratu zen. 1872an Buenos Airesera itzuli ahal izan zen. Urte horretan El gaucho Martín Fierro argitaratu zuen. Uruguain atzerriraturik egon ostean, 1875an Argentinara itzuli eta 1879an diputatu hautatu zuten. 1886ko urriaren 21ean hil zen, Buenos Airesko Belgrano auzoan zuen landetxean^[1].

Idazlanak

José Hernández Argentinako poeta nazionala izatera eraman duen Martín Fierro («Matxin Burdin», Txomin Jakakortajarenak euskaratua) hain zuzen ere, gautxoei buruzko poema epikoa da. Herriaren kontzientzian hain errotua den epopeia hori bi zatitan argitaratu zen: El gaucho Martín Fierro (1872) eta La vuelta de Martín Fierro (1879). Beste zenbait obra idatzi zituen, hauen artean La instrucción del estanciero (1882), landetako bizitzari buruzko ezagutza zuzena adierazten duena.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/08/18 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ José Hernández. in: Biografías y Vidas. biografiasyvidas.com (Noiz kontsultatua: 2015-08-18).

Kanpo loturak

Wikimedia Commonsen badira fitxategi gehiago, gai hau dutenak: José Hernández

Euskarari ekarriak: Jose Hernandez

Datuak: Q377623
Multimedia: José Hernández / Q377623

[1] José Hernández. in: Biografías y Vidas. biografiasyvidas.com (Noiz kontsultatua: 2015-08-18).

[1]