Jose Luis Lizundia
Jose Luis Lizundia Askondo (Iruñea, Nafarroa Garaia, 1938) idazlea eta irakaslea da. Hainbat izengoiti erabili ditu: J. L. L., Etxenagusi, Garai'ko I, D. Amaitermin.
Biografia[aldatu | aldatu iturburu kodea]
Garaiko eta Izurtza-Mañariko udaletako idazkaria izan da, eta Euskaltzaindiko idazkariordea. Durangoko Gerediaga Elkartearen sortzailea; Egin, Deia, La Gaceta del Norte, Anaitasuna, Zeruko Argia, Jakin, Enbata, Euskera, Punto y Hora de Euskal Herria, Txistulari, Tavira eta Cuadernos de Historia Duranguesa aldizkarietan eman ditu argitara artikulu garrantzitsuenak.
EE alderdiko diputatua izan zen 1980-1984. urteetan.
Euskaltzaindiko idazkariorde-kudeatzaile lanetan dihardu azken urteotan. Politikagintza utzita, artikulugiletzat nabarmendu da Euskal Herrian hedapen handia duten hainbat egunkari eta aldizkaritan.
Ikus, gainera[aldatu | aldatu iturburu kodea]
- Anaitasuna aldizkarian idatzi zituen 71 artikuluak, Euskaltzaindiaren webgunean.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
