Xabier Kintana

Xabier Kintana
Irudi gehiago
Bizitza
Jaiotza	Bilbo, 1946ko urriaren 13a (74 urte)
Herrialdea	Bizkaia, Euskal Herria
Familia
Seme-alabak	ikusi Jurgi Kintana
Hezkuntza
Heziketa	Deustuko Unibertsitatea
Hizkuntzak	gaztelania euskara hebreera georgiera ingelesa
Jarduerak
Jarduerak	idazlea, itzultzailea, hiztegigilea eta katedraduna
Lan nabarmenak	Elhuyar Hiztegia
Jasotako sariak	ikusi Espainiako Kritika Saria euskarazko narratibari  (1984) : Ta Marbuta. Jerusalemen gertatua
Kidetza	Euskaltzaindia Euskal Kulturaren Batzarreak Academia de l'Aragonés
Literaturaren Zubitegiko fitxa	72
Inguma	xabier-kintana-urtiaga

Xabier Kintana Urtiaga (Begoña, Bilbo, Bizkaia, 1946ko urriaren 13a - ) euskalaria, euskal idazlea, itzultzailea eta euskaltzaina da.

Bizitza

Filosofia eta Letretan lizentziatu zen 1974an Deustuko Unibertsitatean. Euskara eskolak eman zituen 1972tik 1979ra Erandion, Algortan, Getxon eta Leioan.

Imanol Berriatuarekin 1976an Israelen hebreera irakasteko erabiltzen zuten metodologia eta materialak aztertu zituen. Ikasi zutena giltzarri izan zen gero euskaltegietan erabiliko zen eredua diseinatzeko. Ordura arte eskolak erdaraz izaten ziren maiz, eta oso ikuspuntu erabat gramatikal batetik bideratuak. Harrezkero eskola guztiak euskaraz izango ziren, elkarrizketa eta komunikazioa sustatuz.

Institutuko lehen katedratikoa izan zen Euskal Hizkuntza eta Literaturan 1980an. Geroago 1981etik 2006ra bitarte erretiratu zen arte, EHUko Euskararen Kabineteko burua izan zen. EHUko titulazioetan euskararen erabilera bideratzea eta administrazioko itzulpenak egitea ziren Kabinetearen zereginak.

Hiztegigintza

Euskara batuaren lehen hiztegi handiak sortzea izan zen bere ekarpen nabarmenena. 1970ean Gabriel Arestirekin batasunerako oinarrizko hitzak biltzen zituen Batasunaren kutxa izenek argitalpenean. Gero, oso ezagun eta erabiliak izan ziren hurrengo urteetan atera zituen hiztegiak, berak bakarrik eginda edo elkarlanean:

• Euskal hiztegi modernoa (1977)
• Hiztegia 80 (1980),
• Hiztegia bi mila (1980),
• Elhuyar hiztegia (1996), eta abar.

Euskaltzaina

Hainbat euskaltzain Arantzazun, 1972. urtean. Goian ezkerretik eskuinera: Koldo Mitxelena, Iratzeder, Jean Haritxelhar, Alfontso Irigoien, Luis Villasante, Jose Maria Satrustegi, Patxi Altuna eta Imanol Berriatua. Behean: Juan San Martin, Jose Luis Lizundia, Joseba Intxausti eta Xabier Kintana.

1966an izendatu zuten euskaltzain urgazle, eta geroago 1993ko urriaren 29an euskaltzain oso. Bere sarrera-hitzaldian Bilbok euskararen bzitzan izan duen eragina azaldu zuen 1994an.Euskaltzaindiko idazkaria da 2002ko otsailaren 22tik.

2009ko martxoaren 21ean, Academia de l'Aragonésko ohorezko akademiko izendatu zuten.

Lanak

Itzulpenak

Kintanak hainbat idazleren lanak itzuli ditu: F. Kafka, K. Marx, F. Engels, Miguel de Unamuno, Joanes Uharte Donibanekoa, A. Camus, D. Defoe, V. Lenin, Benjamin Tuterakoa, Yehudah ha-Levi, Moseh Ben Maimon, Xota Rustaveli eta Yuval Noah Harari. Besteak beste liburu hauek itzuli ditu:

• K. Marx, F. Engels. Alderdi Komunistaren Manifestua (Jakin, 1998)
• Juan Huarte San Juan. Zientzietarako argimenen azterketa. (KLASIKOAK, Pentsamendu unibertsala, 1996)
• Miguel de Unamuno. Bizitzaren sentimendu tragikoaz. (KLASIKOAK, Pentsamendu unibertsala, 1994)
• Charles Robert Darwin. Espezieen jatorria: hautespen naturalaren bidez. (KLASIKOAK, Pentsamendu unibertsala, 1994)
• ·Yubal Noah Harariren Sapiens (Andoni Sagarnarekin elkarlanean). (2019).

Narrazioa

• Behin batean (1972, Lur)
• Nazioarteko ipuinak (1980, Hordago)
• Orreagako burruka (1980, Elkar)

Nobela

• Ta Marbuta. Jerusalemen gertatua (1984, Elkar)

Saiakera

• Linguistika orain arte (1971, Lur)
• Euskara hobean hobe (1984, EHU): Pello Salabururekin batera
• Judu Herriaren ibilbide luzea (1994, Gaiak): Jurgi Kintarekin elkarlanean

Testu-liburuak

Jose Ramon Etxebarriarekin euskarazko testuliburuak sortu zituen SAIOKA taldea (J.R. Etxebarria, 2018).

Testuliburuak ondu nahiz euskaratzen lan eskerga egin zuen IKER taldean, Saioka euskarazko lehen ikasliburuak sortu zituena. Lehen irakaskuntzarako SAIOKA liburu-bilduma horretan Bizkaiko eta Gipuzkoako Ikastolen Elkarteak zeuden eta besteak beste pertsona hauek: Jose Ramon Etxebarria, Xabier Mendiguren, Xabier Kintana, Imanol Añon, Iñaki Antiguedad, Kepa Martinez de Lagos eta Karmele Baelo.

Haur eta gazte literatura

• Gure piztitxoaren artean (1974, Indauchu editorial)
• Oier Beltzuntzeko (1976, Cinsa)
• Martin Txilibitu, ehiztari beltza (1976, Cinsa)
• Kixmi eta euskal jentilak (1980, Elkar)
• Lamia eta artzaina (1980, Elkar)
• Marigorringoa eta Harra (1980, Elkar)
• Martin txiki eta Jentilak I (Garia lapurtzen) (1980, Elkar)
• Martin txiki eta Jentilak II (Zerraren asmaketa) (1980, Elkar)
• Tartalo eta artzaina (1980, Elkar)
• Euskarazko zubia 1.a (1987, Santillana): Sagrario Lunarekin elkarlanean

Biografia

• Imanol Berriatua (1914-1981) (1994, Eusko Jaurlaritza)
• Gabriel Aresti (1933-1975) (1998, Eusko Jaurlaritza)
• Federiko Krutwig Sagredo (1921-1998) (1999, Eusko Jaurlaritza)
• Justo Mari Mokoroa (2000, Eusko Jaurlaritza)

Hiztegia

• Batasunaren kutxa (1970, Lur): Gabriel Arestirekin batera burututako lana

Artikuluak aldizkari orokorretan

• Anaitasuna aldizkarian 310 artikulu idatzi zituen, baita hainbat aldizkaritan ere, besteak beste: Jakin, Zeruko Argia, Egan, Herria, Cambio 16, El Pensamiento Navarro, Euskaldunon Egunkaria, Fontes Linguae Vasconum, Hermes, Elhuyar, Egin, Deia, Hitz, El Mundo del País Vasco, Egun On, eta Pasárgada.

Bestalde, Euskal komunitate zientifikoaren Inguma datu-baseak, guztira berak sorturiko 110 lan baino gehiago erakusten ditu.

Sariak

Bilboko ospetsuak saria jasotzen 2016an

Sari eta errekonozimendu hauek jaso ditu:

• Bilboko Udalaren 'Bilboko Ospetsu' izendapena (2016) José Angel Iribar, Sara Estévez, José Antonio Garrido eta Begoña Ruedarekin batera.
• Euskal Herriko Unibertsitatearen omenaldia (Leioa, 2010)
• Academia de l'Aragonés-eko ohorezko kide (2009)
• EHUren Zientzia Fakultateko San Alberto Magno saria (1995)
• Bilboko Iruña Kafetegiko saria (1984)
• Espainiako Kritikaren saria euskarazko narratibari (1984)
• Santiago de Compostelako Jai Minervalen poesia saria (1970)
• Deustuko Unibertsitatearen ipuin lehiaketarena (1968)

Kanpo estekak

• Xabier Kintana literaturaren zubitegian
• Xabier Kintana Inguma datu-basean
• Elkarrizketa Argian

• Datuak: Q3139339
• Multimedia: Xabier Kintana