Libe Goñi

Wikipedia, Entziklopedia askea
Jump to navigation Jump to search
Libe Goñi
Bizitza
Jaiotza Oteitza1947ko ekainaren 7a (72 urte)
Herrialdea  Nafarroa Garaia, Euskal Herria
Heriotza  (72 urte)
Hezkuntza
Heziketa Donostiako Irakasleen Unibertsitate Eskola
Jarduerak
Jarduerak maisu/maistra

Libe Goñi Garate (Oteitza, Nafarroa Garaia, 1947ko ekainaren 7a) maistra ohia da. Seaska, Iparraldeko ikastolen federazioko lehen irakaslea izan zen.

Biografia[aldatu | aldatu iturburu kodea]

Libe Oteitzan jaio zen, baina 3 urte zituela Lazkaora joan zen bizitzera, bere amak bertako eskola publikoko irakasle lana lortu baitzuen 1950ean.

1953tik 1957ra Lazkaoko eskola publikoan ibili zen ikasle. Bigarren mailako ikasketak ostera, urrunago egin zituen, lehenik Ordizian (1957-1961), ondoren, 1962an, Donostiako Irakasleen Unibertsitate Eskolan hasi zen magisteritza ikasten.

Irakasle ibilbidea[aldatu | aldatu iturburu kodea]

Ikasketak amaitu eta irakasle praktikak Elbira Zipitriaren ikastolan eta, batez ere, Karmele Esnalenean egin zituen. Handik, Andoaingo ikastolako zuzendari lana betetzera joan zen. 1969ko otsailean, Ipar Euskal Herrira heldu zen, ihesean. Seaskako lehen irakaslea izan zen. Lehenengo Argitxu Nobliaren etxean, ondoren, Arrangoitzeko ikastolara pasatu zen 1970ean. Baionakora itzuli zen 1980an; Angelun egin zituen azken irakasle urteak, 2001etik 2007ra bitartekoak.[1] [2] [3] [4] [5]

Bere bizitza profesional osoa ikastolen zerbitzuan eman eta erretiroa hartu ondoren Reiki irakasle bihurtu zen. [6]

Olentzeroren mezulari[aldatu | aldatu iturburu kodea]

Libe lan asko egindakoka da kultura arloan, bai irakaskuntzan baita euskal ohituren berpiztzaile gisa ere, bereziki ikastolen bidez, olentzeroren ohitura iparraldean gizarteratzen lagunduz. [7] [8]

Sariak[aldatu | aldatu iturburu kodea]

  • 2009an Argizaiola saria jaso zuen Durangaldeko Gerediaga Elkartearen eskutik. Euskaraz irakasten hasi ziren lehenbiziko ikastoletako andereñoen izenean jaso zuen saria. Hasierako andereñoen kemena eta guraso askoren ekina eta ahalegina funtsezkoak izan baitziren euskalduntze prozesuan.[9]
  • 2010ean Alkartasuna Fundazioak "Ohorezko lauburua" eman zion "Euskal Kultura eta euskara sustatzeagatik eta defendatzeagatik" Iparraldeko ikastoletako lehen andereñoa eta euskal eskola publikoaren andereño aitzindarien kolektiboaren kide nabaria izateagatik. [10] [11] [12]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]