Liga Komunista Iraultzailea

Wikipedia, Entziklopedia askea
Hona jauzi: nabigazioa, Bilatu
Artikulu hau Euskal Herriko Liga Komunista Iraultzaileari buruzkoa da, izen bereko beste alderdietarako, ikus LKI (argipen orria)
Liga Komunista Iraultzailea
LKI
Sorrera 70eko hamarkada hasiera1
Desegitea 19912
Ideologia politikoa Komunista, trotskista
Nazioarteko afiliazioa IV. Internazionaleko Idazkaritza Bateratua
1 ETA VI. izeneko ETAren zatiketatik.
2 EMKrekin bat egin, Zutiken eta Batzarren.

Liga Komunista Iraultzailea (LKI) Hego Euskal Herriko alderdi politikoa izan zen. Espainiar estatu mailako LCRrekin (Liga Comunista Revolucionaria) lotua zegoen. ETAren VI. batzar orokorreko zatiketa batetik sortu zen, hasiera horretan LCR-ETA-IV deitura hartuz. Troskismotik gertuko izaera komunista zuen, IV. Internazionalaren parte izanik. 1976an aurkeztu zen alderdia eta 1977an izen berria hartu zuen: Liga Komunista Iraultzailea. Troskismoaren ideologian oinarrituta, LKIk langileria-burgesia antagonismoa gizarte esparru guztietara eramateko xedea hartu zuen, buruzagi troskistek langile erakunde orotan parte hartu behar zutela esan zuen, zorrotz kritikatu zituen gainerako ezker alderdien dogmatismoa, estalinismoa eta sektarismoa eta autodeterminazio eskubidea aldeztu zuen Euskal Herrirako. Francoren ondoko lehen hauteskundeetan (1977) parte hartu zuen Frente Unico de Trabajadores langile frontean eta 1979an Euskadiko autonomia estatutuaren aurka agertu zen. 80. hamarkadako hauteskundeetan boza Herri Batasunaren alde eskatu ohi zuen.

1987. urtetik aurrera, Euskal Herriko independentzia zehazki eskatzen hasi zen LKI eta Euskadiko Mugimendu Komunista alderdiarekin batean hasi zen, Euskal Herriko ezker alternatiba berri bati begira. 1991n Zutik izeneko erakunde politiko berria sortu zuten bi alderdi hauek. 90eko hamarkadan Euskadiko Mugimendu Komunistarekin (EMK) batu zen, EMK-LKI izena erabiliz hasieran, eta Zutik alderdia sortu zuten jarraian. Alderdiko kide batzuk, Jaime Pastor bezala, Ezker Batuan sartu ziren.

Ikus, gainera[aldatu | aldatu iturburu kodea]

Politika Artikulu hau politikari buruzko zirriborroa da. Wikipedia lagun dezakezu edukia osatuz.

Erreferentziak[aldatu | aldatu iturburu kodea]