Lila Azam Zanganeh
| Lila Azam Zanganeh | |||
|---|---|---|---|
 | |||
| |||
| Bizitza | |||
| Jaiotza | Paris, 1976 (47/48 urte) | ||
| Herrialdea |  Iran | ||
| Hezkuntza | |||
| Heziketa | Harvard Unibertsitatea École normale supérieure de Fontenay-Saint-Cloud (en)  (1997 - | ||
| Hizkuntzak | ingelesa frantsesa italiera persiera gaztelania portugesa errusiera | ||
| Jarduerak | |||
| Jarduerak | idazlea | ||
| lazanganeh.com | |||
     | |||
Lila Azam Zanganeh (Paris, 1976) frantziar idazlea da. New Yorken bizi eta lan egiten du gaur egun. Besteak beste, 2011n argitaratutako L'Enchanteur: Nabokov et le bonheur lanaren egilea da.
Bizitza
[aldatu | aldatu iturburu kodea]Lila Azam Zanganeh, lizeotik ateratzean, Henri-IV lizeoan prestatze-eskola batean sartu zen, eta literatura eta filosofia ikasketak egin zituen Fontenay-Saint-Cloud-eko Goi Eskola Normalean.[1] Ondoren, zinema, hizkuntza erromanikoak eta letra modernoak irakatsi zituen Harvardeko Unibertsitatean, New Yorkera bizitzera joan aurretik. Politika Zientzietako Masterra lortu zuen Columbiako Unibertsitatean, eta Irango kultura garaikideari buruzko proben antologia bat argitaratu zuen: My Sister, Guard Your Veil, My Brother, Guard Your Eyes: Uncensored Iran Voices.[1] Irango hainbat pertsona ezagunek idatzitako testuak biltzen ditu antologia horrek: Azar Nafisi, Marjane Satrapi, Abbas Kiarostami, Shirin Neshat, Shohreh Aghdashloo eta Reza Aslan, besteak beste.[2]
2002an, literatur artikuluak, elkarrizketak eta saiakerak idazten hasi zen hainbat egunkaritan: The New York Times, The Paris Review, Le Monde eta La Repubblica egunkarietan, besteak beste.[3] Lila Azam Zanganehek zazpi hizkuntza hitz egiten ditu: frantsesa, italiera, persiera, ingelesa, espainiera, portugesa eta errusiera.[4] 2011n, Roger Shattuck Prize for Criticism saria lortu zuen, Center for Fiction GKEk urtero ematen duena.[5]
Gizarte-ekimenak
[aldatu | aldatu iturburu kodea]Lila Azam Zanganeh Nazioarteko Erreskate Batzordeko Board of Overseers-eko kidea da, eta mundu osoko errefuxiatuen auzia defendatzen du.[1] 2015etik, Narrative4k ezarritako programak zuzentzen ditu. Narrative4 12 herrialdetan dagoen elkarte bat da, eta idazketa sustatzen du, estereotipoak hausteko eta enpatia sortzeko bitarteko gisa.[3] The Lunchbow Fund gobernuz kanpoko erakundearen Aholku Batzordeko kide izan zen; Soweton (Hegoafrika) ikasleak elikatzeko jardun zuen erakunde horrek, 2011ra arte.[4]
2007an Patrick Weilen ekimenez sortutako Mugarik Gabeko Liburutegiak elkarte frantziarraren administrazio kontseiluko kide ere bada.
Erreferentziak
[aldatu | aldatu iturburu kodea]- ↑ a b c LEVY, Léon-Marc. Lila Azam Zanganeh. .
- ↑ Beacon Press: My Sister, Guard Your Veil; My Brother, Guard Your Eyes. .
- ↑ a b Lila Azam Zanganeh, Author of The Enchanter: Nabokov and Happiness. .
- ↑ a b Punch, The. (30 septembre 2017). «A novel summarises consciousness: Man Booker Prize juror Lila Azam Zanganeh» http://thepunchmagazine.com/.
- ↑ Roger Shattuck Prizes for Criticism: Lila Azam Zanaganeh and Marco Roth. .
Bibliografia
[aldatu | aldatu iturburu kodea]- 2011: L'Enchanteur: Nabokov et le bonheur
Kanpo estekak
[aldatu | aldatu iturburu kodea]
Datuak: Q13613187
Multimedia: Lila Azam Zanganeh / Q13613187