Manfred von Richthofen

Wikipedia(e)tik
Hona jo: nabigazioa, Bilatu
Manfred von Richthofen
Manfred von Richthofen
Baroi Gorria 1917 aldean.
Datu pertsonalak
Izen osoa Manfred Albrecht Freiherr von Richthofen
Ezizena The Red Baron edo Der Rote Baron ("Baroi Gorria")
Der Rote Kampfflieger ("Borroka Hegazkinlari Gorria")
Le Diable Rouge ("Deabru Gorria")
Le petit Rouge ("Gorritxoa")
Red Knight ("Zaldun Gorria")
Jaio 1892ko maiatzaren 2a
Flag of the German Empire.svg Breslau
(gaur egun Polonia) (Alemaniar Inperioa)
Hil 1918ko apirilaren 18a
(25 urte)
Frantzia Vaux-sur-Somme (Frantzia)

Manfred Albrecht Freiherr von Richthofen (Breslau, Alemaniar Inperioa, gaur egun Polonia, 1892ko maiatzaren 2a - Vaux-sur-Somme, Frantzia, 1918ko apirilaren 21a), askoz ere ezagunagoa Baroi Gorria ezizenaz, alemaniar militar eta hegazkin pilotua izan zen. Lehen Mundu Gerran etsaien laurogei hegazkin eraistea lortu zuen. 1918ko apirilaren 21ean, Frantziako iparraldean dagoen Somme ibaitik hurbil, lurrera eraitsi eta hil zuten.

Biografia[aldatu | aldatu iturburu kodea]

Militarren eskolan hasi zen gaztetan, eta 1912an teniente egin zuten. Lehen Mundu Gerraren hasieran Errusia eta Belgikako fronteetan borrokatu zen eta 1915ean sartu zen Aireko gudarostean. 1916an egin zuen lehen hegalaldia gerra pilotu gisa, eta 1917an izendatu zuten hegazkin taldeko buru. Garaipen handiak lortu zituen eta guztiz ospetsu bihurtu zen bere Fokker Dr.I gorrian eginiko balentriengatik. 80 hegazkin britaniar eraistea lortu zuen[1]. Hori zela eta, Pour le Mérite domina jaso zuen. 1918an hil zuten airean, Frantziako Amiens hiritik hurbil, eta Hermann Göringek hartu zuen hegazkin talde haren zuzendaritza.

Bere hegazkinak, hasieran Albatros D.II ehiza-hegazkin biplanoa, eta ondoren Fokker Dr.I triplanoa izan ziren. Bi hauek maniobra eta itzulipurdi mota ezberdin ugari burutzeko aukera ematen zizkioten. Halere, garaipen kopuru handiena Albatros motako hegazkinarekin lortu zuen. Alemaniarren heroia izan zen, eta etsaiek ere, begirune handia izan zioten, biktima zaurituei ihes egitea uzten batzien.

Oroitzapen liburu bat idatzi zuen 1917an: Pilotu gorria.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Manfred von Richthofen Theaerodrome.com

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Manfred von Richthofen Aldatu lotura Wikidatan