Munduari bira eman zion ontzia

Wikipedia, Entziklopedia askea
Munduari bira eman zion ontzia
Jatorria
EgileaJoseba Sarrionandia
Argitaratze-data2022
IzenburuaMunduari bira eman zion ontzia
IlustratzaileaArístides Esteban Hernández Guerrero
ArgitaletxeaPamiela
ISBN978-84-9172-285-4
Orrialdeak163
Ezaugarriak
Hizkuntzaeuskara

"Munduari bira eman zion ontzia" ipuin ilustratua da, Joseba Sarrionandiak 2022an Pamiela-rekin argitaratu zuen Kubako Ares marrazkilari ospetsuaren ilustrazioekin.[1] Liburuak jarrera kritikoz begiratzen dio Juan Sebastian Elkanoren bidaiaren kontakizunari, eta mundu globalizatuko botere harremanen inguruko hausnarketa proposatzen du.[2] 'Ontzia' euskal hitzaren esanahi bikoitzarekin jolastuz (itsasontzia zein edukiontzia izan daiteke), liburua oroimenerako eta izpiritu kritikorako edukiontzia ere bada.[3][4] Getariako itsasgizonak egindako bidaiaren saiakera da honakoa, «bainaz» betea, kontatu zaigun errelatoari interpelazioa.[5]

Narrazioaren haria[aldatu | aldatu iturburu kodea]

Amona historia irakaslea izan arren, neskatoari ipuin umekoiak kontatzen dizkio beti, Neskatoak benetako istorio bat kontatzeko eskatzen dionean amonak XVI. mendean munduari emandako lehenengo bira esplikatzen dio, Magallaesen eta Elkanoren itsasaldi entzutetsua. Tarteka neskatoak galdera zailak egingo ditu, eta horrela antzinako itsas bidaia izan zitekeena, beste hainbat historiarekin tartekatuko da eta horrela bizi garen planeta arraro honi buruzko gogoeta-elkarrizketa bihurtuko da, umore puntu batekin ere bai.

Ontzien zura jaten duen broma moluskua (zizare barrenaria).

Esate baterako, tartekatutako historien artean hauek daude: Jemmy Button (Santi Botoi) Patagoniako yagan aborigena, Patagoniako patagoi aborigen handiak, Magallaesen esklabo gaztea (Enriquillo), itsasontzietako broma, Lapulapu eta Rajah Humaboben erregeak, truke ekonomiko desorekatua, arrazismoa, Australiako aborigenak eta lurraren propietaterako Terra nullius lege kristau lapurra, "ontziak" harrikoan garbitzeko garrantzia, globalizazioa, kolonialismoa, auzoaren eta herriaren garrantzia.

Erreferentziak[aldatu | aldatu iturburu kodea]

  1. Sarrionandia, Joseba. (2022). Munduari bira eman zion ontzia. Pamiela ISBN 978-84-9172-283-0. PMC 1319830846. (Noiz kontsultatua: 2022-09-05).
  2. «Joseba Sarrionandiak eta Ares marrazkilariak 'Munduari bira eman zion ontzia' ipuina kaleratu dute» EITB 2022-05-24 (Noiz kontsultatua: 2022-08-03).
  3. Zubiaurre, Juan Mari. (2022-05-26). «Joseba Sarrionandiak 'Munduari bira eman zion ontzia' liburua aurkeztu du» El Diario Vasco (Noiz kontsultatua: 2022-08-04).
  4. (Gaztelaniaz) GarroIrastorza, Uxue. (2022-05-22). «Sarrionandia y 'Ares' exploran el viaje de Elkano alrededor del mundo» Deia (Noiz kontsultatua: 2022-08-04).
  5. Larretxea, Oihane. (2022-05-24). «‘Munduari bira eman zion ontzia’, Elkanoren bidaiaz saiakera ilustratua idatzi du Sarrionandiak» naiz: (Noiz kontsultatua: 2022-08-04).

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]