Nicasio Goitisolo

Wikipedia, Entziklopedia askea
Nicasio Goitisolo
Bizitza
Jaiotza Liverpool1889ko urriaren 10a (131 urte)
Herrialdea  Erresuma Batua
Hezkuntza
Hizkuntzak ingelesa
Jarduerak
Jarduerak futbolaria
Ibilbidea
Taldeak Urteak J G
Flag of None.svg Third Lanark A.C.1905 / 1906
600px Bianco e Blu (Strisce).png Real Sociedad1909 / 1914
Flag of None.svg Real Avilés Club de Fútbol1919 / 1925
 

Nicasio Goitisolo Zubizarreta (Liverpool, 1889ko urriaren 10a - ?)[1], Ingalaterran jaiotako euskal jatorriko futbolaria izan zen, 1900. hamarkadan Ingalaterrako ligan eta ondoren Errealean eta Avilésen jokatu zuena.

Biografia[aldatu | aldatu iturburu kodea]

Hastapenak Ingalaterran[aldatu | aldatu iturburu kodea]

Aita lekeitiarra zuen eta itsas kapitaina zen eta Liverpoolen zegoen itsas konpainia batetako arduradun. Nicasio Saint Francis Xavier's Collegen ikasten ari zela eskolako Old Xaverians futbol taldean hasi zen jokatzen. Berehala fitxatu zuen Liverpooleko Racing F.C. taldeak eta 1905ean taldeko goleatzaile nagusia izan zen. Liverpool FC talde handiak lagunarteko bat jokatzera gonbidatu zuen eta taldean sartzea erabaki zuen. 16 urte baino ez zituen ordea eta legez bigarren taldean jokatu behar zuen bi urtetan, horregatik ez zuen proposamena onartu[2].

1905ean bertan gurasoei Irakaskuntza ikasketak egitera Londresera joan nahi zuela esan zien. Jaiotza partida faltsua lortu zuen, 18 urte zituela esaten zuena, eta hainbat taldetan proba egin ondoren Arsenalek fitxatu zuen. Lagunarteko partida batzuk jokatu zituen baina berak nahi baino gutxiago, ondorioz Crystal Palacera aldatzea erabaki zuen. Hilabete inguru zeramala 16 urte zituela jakin zen eta taldetik kanporatua izan zen. Ikasketak ere utzi zituen eta Liverpoolera itzuli zen[2].

Eskoziako ligan 18 urteren mugarik ez zegoenez Eskoziako talde indartsuenetako batek fitxatu zuen, Glasgow hiriko Third Lanark AC taldeak. 1904an liga eta 1905ean kopa irabaziak zituen eta 1906an berriz ere Kopako finalerako sailkatu zen, baina finala galdu zuen. Urtebete han egin ondoren etxera itzuli zen eta Liverpooleko Racing FC taldean aritu zen[2].

Errealean[aldatu | aldatu iturburu kodea]

1909an Euskal Herrira etorri zen eta Athletic taldearekin lagunarteko partida bat jokatu zuen arren ez zen aukeratua izan[2]. Donostian sortu berria zen Sociedad de Foot-Ball de San Sebastián fitxatu zuen, Errealak hain zuzen ere. Club Ciclista San Sebastián taldearen jarraipena zen eta Kopa irabazi zuten aurreko urtean. Simmons eta McGuinness jokalari ingelesak ere baziren bertan. Errealaren aurreneko partida jokatu zuen, 1910ko martxoaren 26an London Nodmans taldearen aurka, 1-5 emaitzaz galdu zena[2]. Urte hartan bertan Kopan finalera iristi ziren Vasconia Sporting Club izenarekin, izan ere Erreala oraindik erregistro zibilean izendaturik ez baitzegoen eta aurreko urtean gertatu bezala Donostiako betse talde baten izena erabili behar izan zuen[3] eta Ondarretako futbol zelaian jokaturiko partidan Athletic-ek irabazi zuen 1-0. Goitisolo bera izan zen taldeko kapitaina[4]. Lau urte egin zituen talde donostiarrean eta "dribling-aren aztia" ezizena jaso zuen[2]. 2014an Ingalaterrara itzultzea erabaki zuen Nicasio Goitisolok.

Asturiasen[aldatu | aldatu iturburu kodea]

Lehen Mundu Gerrak Ingalaterrako futbol txapelketa guztiak eten zituen 1919 artean. Gerra amaitzean Asturias kostaldeko Soto del Barco herrira joan zen, han Adelina arreba bizi baitzen. Itsas konpainia ingeles batentzako lanean hasi zen itzulpenak egiten[5]. Stadium Club Avilesino taldeko presidenteak haren berri izan zuen eta fitxatu egin zuen. "Goiti" ezizena eman zioten eta taldeko izarra izan zen. Ingalaterran ikastitakoak aplikatu eta berehala iritsi ziren emaitza bikainak, 1920an Espainiako 2. mailako txapelketa irabazi baitzuen taldeak[5][6]. Bost urte egin zituen taldean erretiroa hartu zuen arte. Ondoren Avilésko taldean entrenatzailea izan zen, bai eta Racing de Sama taldean ere.

Kirol ibilbidea[aldatu | aldatu iturburu kodea]

Taldeak[aldatu | aldatu iturburu kodea]

Jokalari
Taldeak Urteak
Ingalaterra Racing F.C. (Liverpool) - 1905
Ingalaterra Liverpool FC 1905
Ingalaterra Arsenal FC 1905
Ingalaterra Crystal Palace FC 1905
Eskozia Third Lanark AC 1905-1906
Ingalaterra Racing F.C. (Liverpool) 1906 - 1909
Euskal Herria Real Sociedad 1909-1914
Espainia Stadium Club Avilesino 1919-1925
Entrenatzaile
Taldea Urteak
Espainia Stadium Club Avilesino 1925-1927
Espainia Racing de Sama 1928-1929

Palmaresa[aldatu | aldatu iturburu kodea]

  • Espainiako txapelketa, 2. mailakoa (1): txapeldun 1920an. (Stadium Avilesino)
  • Eskoziako Kopa (0): txapeldunordea 1906an. (Third Lanark)
  • Espainiako Errege Kopa (0): txapeldunordea 1910ean. (Vasconia Sporting - Real Sociedad)

Erreferentziak[aldatu | aldatu iturburu kodea]

  1. «Goitisolo, Nicasio Goitisolo Zubizarreta - Futbolista» www.bdfutbol.com Noiz kontsultatua: 2021-03-21.
  2. a b c d e f (Gaztelaniaz) Yustas, Publicado por: Frichu. (2019-07-03). «Nicasio Goitisolo, el primer español en el fútbol inglés» Futbolretro.es Noiz kontsultatua: 2021-03-21.
  3. «Goitisolo, Nicasio Goitisolo Zubizarreta - Futbolista» www.bdfutbol.com Noiz kontsultatua: 2021-03-21.
  4. (Gaztelaniaz) MACÍAS MUÑOZ, Olga. (2005-02-25). «El Athletic de Bilbao, campeón de la Copa de España de fútbol de 1910» www.euskonews.eus Noiz kontsultatua: 2021-03-21.
  5. a b (Gaztelaniaz) «1920, año del primer título nacional» El Comercio 2020-01-04 Noiz kontsultatua: 2021-03-21.
  6. «Cien años del primer título nacional del fútbol asturiano» www.futbolasturiano.es Noiz kontsultatua: 2021-03-21.