Ormuzko itsasartea
| Ormuzko itsasartea | |
|---|---|
| Datu orokorrak | |
| Mota | itsasartea |
| Zabalera | 55 km |
| Sakonera | 220 m |
| Geografia | |
 | |
| Koordenatuak | 26°36′N 56°30′E / 26.6°N 56.5°E |
| Honen parte da | Persiar golkoa |
| Leku geografikoa | Indiako ozeanoa |
| Hidrografia | |
| Betebidea | ikusi
|
Ormuzko itsasartea[1] (arabieraz: هرمز, persieraz: تنگه هرمز) hego-mendebaldeko Asiako itsasarte estua da, Persiar golkoa eta Omango golkoa lotzen dituena. Omango golkoa itsasartearen hego-ekialdean dago; eta Persiar golkoa, hego-mendebaldean. 39 eta 97 kilometro arteko zabalera du, eta 167 kilometroko luzera.[2]
Iparraldeko kostaldean Iran du; eta hegoaldekoan, Arabiar Emirerri Batuak eta Musandam gobernantzia (Oman). Garrantzi estrategiko handia dauka, munduan kontsumitzen den petrolioaren %20 inguru bertatik igarotzen baita.[3]
Historia
[aldatu | aldatu iturburu kodea]K. a. VII. mendetik XIX. menderaino piraten babesleku zen. Gaur egun, Persiar golkoko petrolioa esportatzen duten petrolio ontzien pasabidea izanik, garrantzi estrategiko handikoa da. Ormuzko itsasartearen uretan munduko petrolioaren bosten bat garraiatzen da. Aipagarria da Ormuz uharteko izen bereko hiria, Ekialdeko perlen eta salgaien merkataritza-portu nagusia izan zena.
Mapak
[aldatu | aldatu iturburu kodea]
.jpg)
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. Ekialde Hurbileko eta Ipar Afrikako toponimia. .
- ↑ Van Dyke, Jon M.. «Transit Passage Through International Straits» www.law.hawaii.edu (kontsulta data: 2026-04-10).
- ↑ «Ormuzko itsasartea eta petrolioaren merkatua aztoratu duen gerra» berria.eus (kontsulta data: 2026-04-10).
Kanpo estekak
[aldatu | aldatu iturburu kodea]
Datuak: Q79883
Multimedia: Strait of Hormuz / Q79883