Oroel haitza

Oroel haitza
Datu orokorrak
Garaiera	1.769 m
Mota	haitz
Eponimoa	Aureolus Aragoikoa
Geografia
Koordenatuak	42°30′N 0°30′W
Mendikatea	Pirinioak
Estatu burujabe	Espainia
Autonomia	Aragoi
Probintzia	Huescako probintzia
Mendizaletasuna
Lehen igoera	Ezezaguna
Ohiko bidea	Bernués eta San Juan de la Peñatik joanda.

Oroel haitza (aragoieraz Penya Uruel, gaztelaniaz Peña Oroel) Pirinioetako mendi bat da. Jazetania eskualdeko Jaka udalerriaren hegoaldean kokatzen da, Espainiako Aragoi autonomia erkidegoko Huescako probintziaren iparraldean. Punta de Oroel gailurra du bere garaiera handiena, 1.769 metrokoa; bertan gurutze bat kokatzen da. Haitz honen beste muturrean dagoen Punta Bazialsek 1.689 metro du.

Bere magaletako basoak pinu (Pinus silvestris), pago (Fagus silvatica) eta izeiez (Abies alba) osaturik daude. Halere, haritz (Quercus valentina eta Quercus pubescens) eta artez (Quercus ilex) nahiz basaerramu (Buxus sempervirens) eta elorri-triska (Genista scorpius) bezalako sastrakak ere topa daitezke.

Urtean behin Jakatik gailurreko gurutzera doan oinezko lasterketa bat ospatu ohi da.

Iruditegia

• 
  Oroel haitza laino artean.
• 
  Oroel haitza Araguas del Solano herritik ikusita.

Kanpo estekak

• Oroel haitza. Euskal Mendiak.

• Datuak: Q3054052
• Multimedia: Oroel / Q3054052