Pêr-Jakez Heliaz

Wikipedia, Entziklopedia askea
Hona jauzi: nabigazioa, Bilatu
Pêr-Jakez Heliaz
La Maison du Pâté Hénaff - livres 03.jpg
Bizitza
Jaiotza Pouldreuzic1914ko otsailaren 17a
Herrialdea  Frantzia
Lehen hizkuntza frantsesa
Heriotza Quimper1995eko abuztuaren 13a (81 urte)
Hezkuntza
Hizkuntzak frantsesa
Bretainiera
Lanbidea
Lanbidea aktorea eta idazlea
Nominazioak
Mugimendua proletarian literaturea

Pêr-Jakez Heliaz, Pêr-Jakez Heliaz edo frantsesez Pierre Hélis (1914ko otsailaren 17a, Pouldreuzig, Bretainia1995eko abuztuaren 13a, Kemper, Bretainia) bretoi idazle, olerkari, antzerkigile eta kazetari bat izan zen. Bretoi nahiz frantsesez idatzi zuen. Bretainieraz mintzatzen zen baserritar familia batean jaio eta hezi izan zen. Frantsesa eskolan ikasi zuen, Kemper eta Roazhonen ikasten jarraituz. 1946-1975 artean Kemperreko Eskola Normalean letra klasikoak irakatsi zituen.

1946ko abenduaren 21an berak eta Pierre Tréposk bretoierazko irratia aireratzen hasi ziren, honetan iragarki eta antzezlanak burutu zituelarik. 1948an Cornouaille Jaialdiaren bultzatzaileetako bat izan zen, denboraldi batez bertako aholkularia ere izan zelarik. 1950ean Brud aldizkaria sortu zuen. Bretainiar nazionalismoko joera pragmatikoenekin lerrokatu zen, Ar Falz eta Emgleo Breiz taldeetako kidea izateaz gain, Parisko La Bretagne aldizkarian kronikak idatzi eta Ouest-France aldizkarian bere idazlanetako zatiak argitaratu zituen. 1971ean Breizh o veva (Bretainia bizirik) bretainierazko lehenbiziko telebista saioan parte hartu zuen.

1980an Claude Chabrolek Le cheval d'orgueil (Harrotasun zaldia) filma zuzendu zuen, bere izenburu berdineko Le Cheval d'orgueil liburuaren zinemarako egokitzapena.