Pandora Papers

Pandoraren paperak

Datuak
Data	2021eko urriaren 2a
Afera	11,9 milioi agirien argitalpena (2,94 terabyte)
Argitaratzaileak	International Consortium of Investigative Journalists

Pandora Papers (euskaraz «Pandoraren Paperak») mundu mailan egin den kazetaritza ikerketa erraldoi baten ondorioz filtratu diren 11,9 milioi dokumentu dira. Herrialde desberdinetako kazetariekin batera International Consortium of Investigative Journalists erakundeak koordinatu du ikerketa. Informazioak 2021eko urriaren 2an iragarri ziren eta hurrengo egunean hasi ziren plazaratzen. ICIJ erakundearen arabera hau izan da finantzia munduko dokumentuen filtrazio handiena. Txosten honen aurrekaria Panama Papers izenekoak izan ziren. Hurrenez hurren, Pandora Papersen bidez 11,9 milioi dokumentu filtratu dira (2,94 terabytes) eta Panama Papersen 11,5 milioi izan ziren (2,6 terabytes).

Ikerketaren datuak

Jakinarazi dutenez, agirietan azaltzen dira, besteak beste, 330 politikari eta kargudun publiko baino gehiago eta munduko aberatsenen Forbes zerrendako 133 pertsona. 1971 eta 2018 artean sortutako 27.000 konpainia baino gehiago dira auzian inplikatuak. Ia 30.000 onuradun dira horietan. Zerga iruzurraren gaineko ikerketak ia bi urte iraun du, eta 11,9 milioi artxibo baino gehiago aztertu dituzte: dokumentu idatziak, kalkulu orriak, posta elektronikoak eta irudiak. ICIJ kazetari elkarteak koordinaturik, munduko 117 herrialdetako 600 kazetarik baino gehiago hartu dute parte ikerketan. Besteak beste, ikerketan hedabide hauek izan dira, Le Monde, The Guardian, The Washington Post, L'Espresso, La Nación eta El País. Auzian inplikatuak diren dirudunen izenak jakinarazteko garaian, ikerketan parte hartu duen hedabide bakoitzari bere herrialdekoak diren pertsonen datuak ematen zaizkio.

Inplikatutako zerbitzu-emaileak

Zabaldutako artxiboak 14 Offshore konpainietatik filtratu dira. Enpresa hauek paradisu fiskalek zerga gutxiago ordaintzeko eskaintzen duten aukera aprobetxatu egiten dute, jabetza norena den ezkutatzeko aukera. Horretarako ezkutuko gezurrezko konpainiak sortzen laguntzen diete iruzugileei.

Offshore zerbitzuen emaileak

Enpresa	Dokumentuak	Garaia	Lekua	Sortutako urtea
All About Offshore Limited	270 328	2002–2019	Txantiloi:Herrialde info Seychelles Seychelles	2007
Alemán, Cordero, Galindo & Lee	2 185 783	1970–2019	Panama Panama	1985
Alpha Consulting Limited	823 305	1996–2020	Txantiloi:Herrialde info Seychelles Seychelles	2008
Asiaciti Trust Asia Limited	1 800 650	1996–2019	Hong Kong Hong Kong	1978
CCS Trust Limited	149 378	2001–2017	Belize Belize	2005
CIL Trust International	459 476	1996–2019	Belize Belize	1994
Commence Overseas Limited	8661	2004–2017	Txantiloi:Herrialde info British Virgin Islands.svg Birjina britainiar uharteak	1992
Demetrios A. Demetriades LLC	469 184	1993–2021	Zipre Zipre	1966
Fidelity Corporate Services Limited	213 733	1998–2019	Txantiloi:Herrialde info Birjina britainiar uharteak Birjina britainiar uharteak	2005
Glenn D. Godfrey and Company LLP	189 907	1980–2019	Belize Belize	2003
Il Shin	1 575 840	1996–2020	Hong Kong Hong Kong	2004
Overseas Management Company Inc	190 477	1997–2020	Panama Panama	1961
SFM Corporate Services	191 623	2000–2019	Suitza Suitza Arabiar Emirerri Batuak Arabiar Emirerri Batuak	2006
Trident Trust Company Limited	3 375 331	1970–2019	Txantiloi:Herrialde info Birjina Britainiar Uharteak Birjina Britainiar Uharteak	1986

Inplikatutako ospetsu batzuk

Arlo guztietako izenak pilatzen dira paperetan:

Politikariak

Munde mailako 35 buru. Esaterako:

• Abdullah II.a Jordaniakoa
• Andrej Babiš, 2017tik Txekiako Lehen Ministroa
• Sebastián Piñera, Txileko Presidentea
• Guillermo Lasso, Ekuadoreko Presidentea
• Enrique Peña Nieto, Mexikoko Presidente ohia

Abeslariak

• Elton John
• Julio Iglesias
• Shakira
• Ringo Starr
• Chayanne

Kirolariak

• Pep Guardiola

Aktoreak

• Claudia Schiffer

Idazleak

• Mario Vargas Llosa

Kanpo estekak

• (Ingelesez):International Consortium of Investigative Journalists.

• Datuak: Q108782773